ڈسٹرکٹ کورٹ اسلام آباد نے ریاستی اداروں پر گمراہ کن الزامات عائد کرنے اور ان کی ساکھ متاثر کرنے سے متعلق مقدمے میں سہیل آفریدی کو گرفتار کرکے عدالت میں پیش کرنے کا حکم دے دیا۔
مقدمے کی سماعت کے دوران سہیل آفریدی مسلسل عدالت میں پیش نہ ہوئے، جس پر عدالت نے ان کے پہلے سے جاری ناقابلِ ضمانت وارنٹ گرفتاری برقرار رکھنے کا فیصلہ کیا۔
عدالت نے پولیس کو ہدایت کی کہ سہیل آفریدی کو گرفتار کرکے عدالت میں پیش کیا جائے، جبکہ مقدمے کی مزید سماعت 9 جولائی تک ملتوی کر دی گئی۔
واضح رہے کہ سہیل آفریدی کے خلاف پیکا ایکٹ کے تحت نیشنل سائبر کرائم انویسٹی گیشن ایجنسی (این سی سی آئی اے) میں مقدمہ درج ہے۔
