پنجاب اسمبلی کے اسپیکر ملک محمد احمد خان سے سینیئر صوبائی وزیر مریم اورنگزیب نے ملاقات کی، جس میں باہمی دلچسپی کے امور، پنجاب اسمبلی کی کارروائی اور صوبے میں جاری ترقیاتی منصوبوں پر تبادلہ خیال کیا گیا۔
ملاقات کے دوران وزیراعلیٰ پنجاب مریم نواز شریف کی جانب سے سینیئر صوبائی وزیر مریم اورنگزیب نے بجٹ سیشن کے دوران ایوان کی کارروائی خوش اسلوبی اور احسن انداز میں چلانے پر اسپیکر ملک محمد احمد خان کا شکریہ ادا کیا۔
پنجاب اسمبلی کے سپیکر ملک محمد احمد خان سے سینئر صوبائی وزیر مریم اورنگزیب نے ملاقات کی۔ وزیراعلیٰ مریم نواز شریف کی جانب سے انہوں نے بجٹ سیشن کے دوران ایوان کی کارروائی احسن انداز میں چلانے پر سپیکر کا شکریہ ادا کیا۔ سپیکر نے پنجاب اسمبلی کے ترقیاتی منصوبوں پر وزیراعلیٰ کا شکریہ… pic.twitter.com/cdMs80gsjj
— Asif Iqbal (@iasif7070) June 29, 2026
اس موقع پر اسپیکر پنجاب اسمبلی ملک محمد احمد خان نے پنجاب اسمبلی کے لیے مختلف ترقیاتی منصوبوں کی منظوری اور تعاون پر وزیراعلیٰ مریم نواز شریف کا شکریہ ادا کیا۔
انہوں نے کہاکہ ’ستھرا پنجاب‘، ’اپنی چھت، اپنا گھر‘، ماحولیات کی بہتری، انفراسٹرکچر کی ترقی، تعلیم اور صحت سمیت ہر شعبے میں ہونے والی مثالی پیشرفت وزیراعلیٰ مریم نواز شریف کی انتھک محنت کا ثبوت ہے۔
اسپیکر پنجاب اسمبلی نے کہاکہ پنجاب بھر میں میٹرو اور الیکٹرو بسوں کی توسیع کا منصوبہ وزیراعلیٰ مریم نواز شریف کے عوامی خدمت کے وژن کی بہترین مثال ہے، جس سے شہریوں کو جدید اور معیاری سفری سہولیات میسر آئیں گی۔
انہوں نے مزید کہاکہ پہلی مرتبہ سیاسی وابستگیوں سے بالاتر ہو کر پنجاب کے ہر انتخابی حلقے میں ترقیاتی کام کرائے جا رہے ہیں، جس کے ذریعے وزیراعلیٰ مریم نواز شریف نے مثبت سیاسی اور جمہوری روایت قائم کی ہے۔
ملاقات کے دوران سینیئر صوبائی وزیر مریم اورنگزیب نے پارلیمان، جمہوریت اور پاکستان مسلم لیگ (ن) کے لیے اسپیکر پنجاب اسمبلی ملک محمد احمد خان کی خدمات کو سراہتے ہوئے ان کے کردار کو قابلِ تحسین قرار دیا۔
