نائب وزیراعظم اور وزیر خارجہ سینیٹر اسحاق ڈار نے 12 اور 13 جولائی 2026 کو پاکستان میں منعقد ہونے والی9ویں او آئی سی یعنی اسلامی تعاون تنظیم کے وزارتی کانفرنس برائے خواتین کی تیاریوں کا جائزہ لینے کے لیے اعلیٰ سطحی کمیٹی کے چھٹے اجلاس کی صدارت کی۔
اجلاس میں کانفرنس کی تیاریوں کے آخری مرحلے کا تفصیلی جائزہ لیا گیا، جس کے دوران مجوزہ پروگرام، کانفرنس کے ایجنڈے، پروٹوکول، سیکیورٹی اور لاجسٹک انتظامات، میڈیا و کمیونیکیشن حکمت عملی، بین الوزارتی رابطوں سمیت دیگر انتظامی امور پر غور کیا گیا۔
یہ بھی پڑھیں: او آئی سی رابطہ گروپ کا اجلاس، کشمیری عوام کے حقِ خودارادیت کی غیر متزلزل حمایت کا اعادہ
اجلاس میں اس امر پر بھی تبادلہ خیال کیا گیا کہ کانفرنس کے انعقاد کو ہر لحاظ سے کامیاب اور ہموار بنایا جائے، کانفرنس میں او آئی سی کے 57 رکن ممالک شرکت کریں گے، جہاں خواتین کو بااختیار بنانے، شمولیت کے فروغ اور پائیدار ترقی کے شعبوں میں باہمی تعاون کو مزید مستحکم کرنے پر غور کیا جائے گا۔
Deputy Prime Minister and Foreign Minister Senator Mohammad Ishaq Dar @MIshaqDar50 Dar50 chaired the 6th meeting of the High-Level Committee for the 9th OIC Ministerial Conference on Women, which will be hosted by Pakistan from 12–13 July 2026.
The meeting reviewed the final… pic.twitter.com/kOzlqQjw8Y
— Ministry of Foreign Affairs – Pakistan (@ForeignOfficePk) July 1, 2026
نائب وزیراعظم اسحاق ڈار نے وزارتِ انسانی حقوق کی جانب سے اب تک کی گئی پیشرفت کو سراہتے ہوئے تمام متعلقہ اداروں کو ہدایت کی کہ وہ باہمی رابطہ مزید مضبوط بنائیں اور باقی ماندہ انتظامات بروقت مکمل کرنے کو یقینی بنائیں۔
اجلاس میں وفاقی وزیر قانون، انصاف و انسانی حقوق سینیٹر اعظم نذیر تارڑ، وفاقی وزیر آئی ٹی و ٹیلی کمیونیکیشن شزہ فاطمہ، وزیراعظم کے معاون خصوصی طارق باجوہ، سیکریٹری خارجہ آمنہ بلوچ، سیکریٹری انسانی حقوق عبدالخالق شیخ اور دیگر اعلیٰ حکام نے شرکت کی۔
