فیفا ورلڈ کپ 2026 کے راؤنڈ آف 32 میں پرتگال اور کروشیا کے درمیان ہونے والے سنسنی خیز مقابلے کے بعد پرتگال کے اسٹار فٹبالر کرسٹیانو رونالڈو ایک بار پھر سوشل میڈیا پر توجہ کا مرکز بن گئے۔
سوشل میڈیا پر گردش کرنے والی ایک ویڈیو میں بظاہر ایسا محسوس ہوتا ہے کہ رونالڈو پنالٹی کک سے قبل خود سے کچھ الفاظ دہراتے ہوئے دکھائی دیتے ہیں جنہیں متعدد صارفین نے ’بسم اللہ‘ قرار دیا ہے۔ تاہم اس کی باضابطہ ذریعے سے تصدیق نہیں ہو سکی۔
View this post on Instagram
دوسری جانب اس پنالٹی کی اہمیت صرف وائرل ویڈیو تک محدود نہیں رہی کیونکہ یہ ورلڈ کپ کے ناک آؤٹ مرحلے میں رونالڈو کے کیریئر کا پہلا گول بھی ثابت ہوا۔ یہ رواں ٹورنامنٹ میں ان کا تیسرا گول تھا جس نے پرتگال کی ٹیم کو میچ میں واپسی دلانے میں اہم کردار ادا کیا۔
واضح رہے کہ پرتگال نے کروشیا کو شکست دے کر راؤنڈ آف 16 میں جگہ بنا لی ہے جہاں اس کا مقابلہ اسپین سے ہوگا۔
