ویتنام کے جنوبی جزیرے فو کوک کے قریب سیاحوں کی ایک کشتی الٹنے سے کم از کم 15 بھارتی سیاح ہلاک جبکہ 21 افراد کو بحفاظت بچا لیا گیا۔
حادثے کے بعد مقامی حکام نے سرچ اینڈ ریسکیو آپریشن جاری رکھا ہوا ہے اور واقعے کی وجوہات کا تعین کیا جا رہا ہے۔
کشتی میں 32 بھارتی سیاح سوار تھے
مقامی حکام کے مطابق کشتی میں مجموعی طور پر 36 افراد سوار تھے، جن میں 32 بھارتی سیاح، عملے کے تین ارکان اور ایک معاون شامل تھا۔
It is with profound grief that we share the list of 15 Indian nationals who have lost their lives in the tragic boat accident near Phuc Quoc Island today. The list has been recieved from the Vietnamese authorities.
Our prayers are with the families of the deceased.
The Embassy… pic.twitter.com/2fr2TjXuPp
— India in Vietnam (@AmbHanoi) July 11, 2026
کشتی ہون مے رٹ جزیرے سے این تھوئی بندرگاہ جا رہی تھی کہ ساحل سے تقریباً 400 میٹر دور سمندر میں الٹ گئی۔
خراب موسم حادثے کی ممکنہ وجہ
ابتدائی اطلاعات کے مطابق حادثے کے وقت سمندر میں بڑی لہریں اٹھ رہی تھیں اور موسم خراب تھا، جس کے باعث کشتی حادثے کا شکار ہوئی۔
As per information received from official sources, the following 32 Indian tourists were onboard the boat which capsized near Phu Quoc Island in Vietnam a few hours ago.
We are ascertaining further details of casualties and would update soon.@cghcm pic.twitter.com/geddttdpWB
— India in Vietnam (@AmbHanoi) July 11, 2026
تاہم حکام نے کہا ہے کہ واقعے کی حتمی وجوہات کا تعین تحقیقات مکمل ہونے کے بعد کیا جائے گا۔
بھارتی سفارت خانے کے ہنگامی اقدامات
ویتنام میں بھارتی سفارت خانے نے واقعے کو افسوسناک قرار دیتے ہوئے کہا ہے کہ وہ مسلسل صورتحال کی نگرانی کر رہا ہے۔
متاثرہ خاندانوں کی معاونت کے لیے ہو چی منہ سٹی اور ہنوئی میں ہنگامی مراکز قائم کر دیے گئے ہیں، جبکہ مقامی حکام کے ساتھ رابطہ بھی جاری ہے۔
ریسکیو آپریشن جاری
بھارتی سفارت خانے کے مطابق حادثے کی مکمل تفصیلات تاحال سامنے نہیں آئیں کیونکہ مقامی حکام کی جانب سے سرچ اینڈ ریسکیو کارروائیاں بدستور جاری ہیں۔
