کراچی میں میئر اور ڈپٹی میئر کی عہدوں پر پیپلز پارٹی کی کامیابی پر جہاں تحریک انصاف کے رہنماؤں نے فاؤل پلے کا الزام عائد کرتے ہوئے عدالت سے رجوع کرنے تک کا عندیہ دیدیا ہے، وہیں عوامی مسلم لیگ کے سربراہ شیخ رشید کہتے ہیں کہ 36 کروڑ روپے میں کراچی کا میئر ppp کے لیے کوئی مہنگا سودا نہیں ہے.
وائس چیئرمین تحریک انصاف شاہ محمود قریشی نے اپنی ٹوئیٹ میں لکھا ہے کہ میئر کراچی کا الیکشن پیپلز پارٹی جیت گئی ہوگی مگر جمہوریت کو شکست ہوئی ہے۔
PPP may have won but democracy has lost.#میئر_کراچی_الیکشن
— Shah Mahmood Qureshi (@SMQureshiPTI) June 15, 2023
تحریک انصاف سندھ کے صدر حلیم عادل شیخ نے ٹوئٹر پر اپنے پیغام میں کہا ہے کہ آج ایک مرتبہ اور ثابت ہوگیا کہ پیپلزپارٹی جمہوری اقدار اور جمہوریت کی قاتل جماعت ہے ۔ کسی ووٹر کو زبردستی اسکے ووٹ کے حق سے محروم کرنا آئین اور قانون کی خلاف ورزی ہے۔ آج جو کُچھ ہوا اس نے چھانگا مانگا اور سندھ ہاؤس کی یاد تازہ کر دی۔
آج ایک مرتبہ اور ثابت ہوگیا کہ پیپلزپارٹی جمہوری اقدار اور جمہوریت کی قاتل جماعت ہے ۔ جس انداز سے سرکاری زبردستی اور ڈنڈا گردی کرتے ہوئے تحریک انصاف کے ممبرز کو اغواء کیا گیا ڈرا دھمکا کے اور ہارس ٹریڈنگ کے زریعہ ووٹ دینے سے روکا گیا اس غیر قانونی عمل سے ثابت ہوگیا کہ کے مئیر… https://t.co/rML0nYiUbn
— Haleem Adil Sheikh (@HaleemAdil) June 15, 2023
’جس انداز سے سرکاری زبردستی اور ڈنڈا گردی کرتے ہوئے تحریک انصاف کے ممبرز کو اغواء کیا گیا ڈرا دھمکا کے اور ہارس ٹریڈنگ کے ذریعہ ووٹ دینے سے روکا گیا اس غیر قانونی عمل سے ثابت ہوگیا کہ کے مئیر کراچی کے الیکشن اور نتائج نا قابل قبول ہیں ہم عدالت جائینگے۔‘
سیکریٹری جنرل تحریک انصاف عمر ایوب خان نے بھی ٹوئٹر پر میئر کراچی کے الیکشن پر اپنے رد عمل میں کہا ہے کہ پیپلز پارٹی کیکرپٹ سندھ حکومت نے پی ٹی آئی کے اراکین کو گرفتار، اغوا اور ووٹ ڈالنے سے روکا ہے۔
PPP is resorting to every coercive method to prevent PTI Members from voting for Hafiz Naeem the PTI-JI Joint Candidate. The Corrupt PPP Sind Govt has arrested, abducted and is preventing PTI Members from voting. Strongly condemn this action by PPP and CM Murad Ali Shah. PPP has…
— Omar Ayub Khan (@OmarAyubKhan) June 15, 2023
’پیپلز پارٹی اور وزیراعلیٰ مراد علی شاہ کے اس اقدام کی شدید مذمت کرتے ہیں۔ پیپلز پارٹی نے گزشتہ 16 سال سے سندھ میں برسر اقتدار رہنے کے بعد نہ سندھ کو کچھ دیا اور نہ ہی کراچی والوں کو۔‘
تحریک انصاف کے سابق رکن قومی اسمبلی عالمگیر خان نے میئر کراچی کے انتخاب پر اپنے ٹوئٹر پیغام میں کہا ہے کہ کراچی میئر کا الیکشن آنے والی عام انتخابات کی جھلک ہے۔ آئندہ عام انتخابات اسی انداز سے ہوں گے۔
’۔۔۔اکثریت کو پیسے اور ڈنڈے کے زور پر اقلیت میں تبدیل کیا جائے گا الیکشن کمیشن نے فری ہینڈ دیا ہوا ہے، چوروں اور بدمعاشوں کی حکومت بنوانی ہے جب جسکو چاہیں اٹھا لیں، جب جس کو چاہیں خرید لیں۔‘
یہ کراچی میئر کا الیکشن آنے والی عام انتخابات کی جھلکی ہے، اسی انداز میں عام انتخابات ہونگے
اکثریت کو پیسے اور ڈنڈے کے زور پر اقلیت میں تبدیل کیا جائے گا
الیکشن کمیشن نے فری ہینڈ دیا ہوا ہے، چوروں اور بدمعاشوں کی حکومت بنوانی ہے
جب جسکو چاہیں اٹھا لیں، جب جس کو چاہیں خرید لیں— Alamgir Khan (@AKFixit) June 15, 2023
دوسری جانب اپنے ٹوئٹر اکاؤنٹ سے عوامی مسلم لیگ کے سربراہ شیخ رشید نے لکھا کہ 36 کروڑ روپے میں کراچی کا میئر ppp کے لیے کوئی مہنگا سودا نہیں ہے۔ ’میں نےہفتہ پہلےہی کہہ دیا تھا کہ دوبئی میں خرید و فروخت کی منڈی لگ گئی ہےاورحافظ نعیم کو کسی صورت میئر نہیں بننے دیاجائے گا۔ حافظ نعیم کو خرید و فروخت کی سیاست میں تو شکست ہوئی ہے عوام میں نہیں۔‘
36 کروڑ روپے میں کراچی کا میئر ppp کے لیے کوئی مہنگا سودا نہیں ہے میں نےہفتہ پہلےہی کہہ دیا تھا کہ دوبئی میں خرید و فروخت کی منڈی لگ گئی ہےاورحافظ نعیم کو کسی صورت میئر نہیں بننے دیاجائے گاحافظ نعیم کو خرید و فروخت کی سیاست میں تو شکست ہوئی ہے عوام میں نہیں لیکن جماعت اسلامی کو…
— Sheikh Rashid Ahmed (@ShkhRasheed) June 15, 2023
شیخ رشید کا کہنا تھا کہ جماعت اسلامی کو اب فیصلہ کرنا ہوگا کہ ضمیر فروشوں اور منتخب نمائندوں کو خرید نے والوں کے ساتھ کیسے نمٹنا ہے۔ ’مجھے امید ہے کہ جماعت اسلامی حسب معمول عوام کے ساتھ کھڑی ہوگی ضمیر کے سوداگروں کے ساتھ نہیں۔‘
