نائب وزیراعظم اور وزیر خارجہ سینیٹر محمد اسحاق ڈار 2 روزہ سرکاری دورے پر چین کے شہر شنگھائی پہنچ گئے جہاں وہ 16 اور 17 جولائی کے دوران عالمی مصنوعی ذہانت سے متعلق اہم تقریبات میں شرکت کریں گے۔
یہ بھی پڑھیں: پاکستان عالمی مصنوعی ذہانت تعاون تنظیم کا بانی رکن بنے گا، اسحاق ڈار شنگھائی میں معاہدے پر دستخط کریں گے
دفتر خارجہ کے مطابق اسحاق ڈار اپنے وفد کے ہمراہ ورلڈ آرٹیفیشل انٹیلی جنس کوآپریشن آرگنائزیشن (وائیکو) کے قیام کے معاہدے پر دستخط کی تقریب میں شرکت کریں گے اور پاکستان کی جانب سے بانی رکن کی حیثیت سے اس معاہدے پر دستخط کریں گے۔
دورے کے دوران نائب وزیراعظم 17 جولائی کو 2026 ورلڈ اے آئی کانفرنس کی افتتاحی تقریب میں بھی شرکت کریں گے جبکہ مختلف ممالک کے اپنے ہم منصبوں سے دوطرفہ ملاقاتیں بھی کریں گے۔
Deputy Prime Minister/Foreign Minister Senator Mohammad Ishaq Dar @MIshaqDar50 has departed Islamabad for Shanghai, China, on a two-day visit.
As Pakistan joins the World Artificial Intelligence Cooperation Organization (WAICO) as a Founding Member, the DPM/FM will sign the… pic.twitter.com/bUs8pTNW5j
— Ministry of Foreign Affairs – Pakistan (@ForeignOfficePk) July 16, 2026
شنگھائی ایئرپورٹ پہنچنے پر نائب وزیراعظم اور وزیر خارجہ کا استقبال شنگھائی میونسپل پارٹی کمیٹی کی اسٹینڈنگ کمیٹی کے رکن اور نائب میئر وو وی، چین میں پاکستان کے ناظم الامور اعزاز خان اور شنگھائی میں پاکستان کے قونصل جنرل شہزاد احمد خان نے کیا۔
مزید پڑھیے: مصنوعی ذہانت کے معاشی اثرات سے نمٹنے کے لیے فوری اقدامات ناگزیر، عالمی ماہرین کا انتباہ
دفتر خارجہ کے مطابق اس دورے کا مقصد مصنوعی ذہانت کے شعبے میں بین الاقوامی تعاون کو فروغ دینا اور پاکستان کے عالمی شراکت داروں کے ساتھ تعلقات کو مزید مستحکم بنانا ہے۔
