یورپی کمیشن نے جنرلائزڈ اسکیم آف پریفرنسز (جی ایس پی) پلس سے متعلق اپنی تازہ رپورٹ میں پاکستان کو اس اسکیم سے سب سے زیادہ مستفید ہونے والا ملک قرار دیتے ہوئے ملک کی معاشی اہمیت، ادارہ جاتی اصلاحات اور انسانی حقوق کے شعبے میں پیش رفت کو سراہا ہے۔
رپورٹ کے مطابق 2024 کے دوران پاکستان کی 7.7 ارب یورو مالیت کی برآمدات جی ایس پی پلس کی تجارتی رعایتوں کے لیے اہل رہیں، جس کے نتیجے میں پاکستان کو تقریباً 732 ملین یورو کے ٹیرف کی بچت ہوئی۔
یہ بھی پڑھیں: یورپی یونین جوائنٹ کمیشن کا اجلاس، جی ایس پی پلس کے تحت پاکستان کی پیشرفت کا اعتراف
پاکستان نے یورپی تجارتی رعایتوں کے استعمال کی شرح 95.1 فیصد تک پہنچا دی، جو اس اسکیم سے بھرپور استفادے کی عکاسی کرتی ہے۔
یورپی کمیشن کے مطابق 2024 میں یورپی یونین نے پاکستان کی مجموعی برآمدات کا 28 فیصد خریدا، جبکہ پاکستانی ملبوسات، ٹیکسٹائل، چمڑے، تیار خوراک اور دیگر مصنوعات نے جی ایس پی پلس رعایتوں سے نمایاں فائدہ حاصل کیا۔
🚨🇪🇺🇵🇰BREAKING: European Commission Vice President Kaja Kallas recently visited Pakistan and praised Pakistan-EU trade, which has expanded to over $12 billion.
🔺Today, the EU praised Pakistan’s GSP+ status and Pakistan has become the largest beneficiary of the GSP+ scheme. pic.twitter.com/W4331ctIkA
— Warriors Land⚔️ (@Warriors_70) July 16, 2026
رپورٹ میں کہا گیا ہے کہ پاکستان نے جی ایس پی پلس سے متعلق تمام 27 بین الاقوامی کنونشنز کی توثیق برقرار رکھی اور یورپی یونین کے مانیٹرنگ نظام کے ساتھ مسلسل تعاون جاری رکھا۔
یورپی یونین نے پاکستان میں انسانی حقوق اور قانونی اصلاحات کے حوالے سے ہونے والی پیش رفت کو بھی سراہا ہے۔
مزید پڑھیں: یورپی یونین نے پاکستان کے حقِ دفاع کی حمایت کردی، مذاکرات بہترین راستہ قرار
رپورٹ میں قومی کمیشن برائے انسانی حقوق کو اقوام متحدہ کے اصولوں کے مطابق عالمی ’اے اسٹیٹس‘ ملنے کو ایک اہم ادارہ جاتی کامیابی قرار دیا گیا ہے۔
رپورٹ کے مطابق قومی کمیشن برائے اقلیتوں کے قیام کے لیے قانون سازی کو اقلیتوں کے حقوق کے تحفظ کی جانب اہم پیش رفت قرار دیا گیا، جبکہ انسدادِ تشدد قوانین پر عملدرآمد، متعلقہ اداروں کی تربیت اور جیل اصلاحات کو بھی مثبت اقدامات میں شامل کیا گیا ہے۔
مزید پڑھیں: وزیراعظم شہباز شریف سے یورپی یونین کے سفیر کی ملاقات، باہمی تعاون کو مضبوط بنانے پر اتفاق
یورپی کمیشن نے خواتین کے تحفظ، گھریلو تشدد کی روک تھام اور کم عمری کی شادیوں کے خلاف نئی قانون سازی کو بھی قابلِ ذکر پیش رفت قرار دیتے ہوئے پاکستان کی اصلاحاتی کوششوں کو سراہا۔
رپورٹ میں یورپی یونین نے پاکستان کے ساتھ ترقیاتی اور اصلاحاتی تعاون کے لیے 400 ملین یورو کی مالی معاونت کے عزم کا بھی اعادہ کیا ہے، جس سے دونوں فریقوں کے درمیان اقتصادی اور ترقیاتی شراکت داری مزید مضبوط ہونے کی توقع ہے۔
