سینئر صوبائی وزیر پنجاب مریم اورنگزیب کے صاحبزادے نے پاکستان ایم ایم اے کنٹینڈر سیریز میں شاندار کارکردگی کا مظاہرہ کرتے ہوئے 52 کلوگرام ویٹ کیٹیگری میں اپنے حریف فیضان کو ناک آؤٹ کر کے کامیابی حاصل کر لی۔
مقابلے کے دوران انہوں نے ابتدا سے ہی حریف پر مکمل برتری برقرار رکھی اور زبردست انداز میں فائٹ اپنے نام کی۔ ان کی اس کارکردگی کو شائقین اور ایم ایم اے سے وابستہ شخصیات کی جانب سے خوب سراہا گیا۔
View this post on Instagram
کامیابی کے بعد میڈیا سے گفتگو کرتے ہوئے انہوں نے کہا کہ وہ روزانہ چار سے پانچ گھنٹے سخت ٹریننگ کرتے ہیں اور ان کا خواب عالمی سطح پر پاکستان کی نمائندگی کرنا ہے۔ انہوں نے کہا کہ ان کی والدہ مریم اورنگزیب نے ہمیشہ ان کے مکسڈ مارشل آرٹس کے شوق کی حوصلہ افزائی کی جس پر وہ ان کے شکر گزار ہیں۔
انہوں نے مزید کہا کہ وہ سابق یو ایف سی چیمپئن خبیب نورماگومیڈوف کے نقشِ قدم پر چلتے ہوئے بین الاقوامی سطح پر ملک کا نام روشن کرنا چاہتے ہیں۔
یہ بھی پڑھیں: پنجاب اسمبلی اجلاس : اپوزیشن کی والڈ سٹی پر تنقید، مریم اورنگزیب کا بھرپور جواب
واضح رہے کہ پاکستان ایم ایم اے کنٹینڈر سیریز، پاکستان ایم ایم اے فیڈریشن کا ایک قومی رینکنگ ایونٹ ہے جس کا مقصد ابھرتے ہوئے فائٹرز کی صلاحیتوں کو نکھارنا اور انہیں بین الاقوامی مقابلوں کے لیے تیار کرنا ہے۔
