نائب وزیراعظم و وزیر خارجہ سینیٹر اسحاق ڈار نے عالمی مصنوعی ذہانت تعاون تنظیم کے اجلاس کے موقع پر انڈونیشیا کے رابطہ کار وزیر برائے اقتصادی امور ایرلنگا ہرتارتو سے ملاقات کی، جس میں پاک۔انڈونیشیا تعلقات کو مزید مضبوط بنانے، ترجیحی شعبوں میں تعاون بڑھانے اور دسمبر 2025 میں انڈونیشی صدر کے دورۂ پاکستان کے دوران طے پانے والے فیصلوں پر عملدرآمد کا جائزہ لیا گیا۔
نائب وزیراعظم و وزیر خارجہ سینیٹر اسحاق ڈار نے سماجی رابطے کی ویب سائٹ ایکس پر بتایا کہ شنگھائی میں عالمی مصنوعی ذہانت تعاون تنظیم کے اجلاس کے موقع پر انڈونیشیا کے رابطہ کار وزیر برائے اقتصادی امور ایرلنگا ہرتارتو سے خوشگوار ملاقات ہوئی۔
Pleased to meet my friend H.E. Airlangga Hartarto, Coordinating Minister for Economic Affairs of Indonesia, on the sidelines of WAICO in Shanghai.
We discussed further strengthening Pakistan–Indonesia bilateral relations and expanding cooperation in key priority sectors. We… pic.twitter.com/BiqmUcGkWO
— Ishaq Dar (@MIshaqDar50) July 17, 2026
انہوں نے کہا کہ ملاقات میں پاکستان اور انڈونیشیا کے دوطرفہ تعلقات کو مزید مضبوط بنانے اور مختلف ترجیحی شعبوں میں تعاون کے فروغ پر تبادلہ خیال کیا گیا۔ دونوں رہنماؤں نے باہمی دلچسپی کے علاقائی اور کثیرالجہتی امور پر بھی اپنے خیالات کا اظہار کیا۔
اسحاق ڈار کے مطابق ملاقات میں دسمبر 2025 میں انڈونیشیا کے صدر پرابوو سوبیانتو کے تاریخی دورۂ پاکستان کے دوران ہونے والی پیش رفت، اقتصادی و ترقیاتی نتائج اور طے شدہ مفاہمتوں پر عملدرآمد کا بھی جائزہ لیا گیا۔
یہ بھی پڑھیں:شنگھائی دورہ مکمل، اسحاق ڈار کا پاک چین شراکت داری مزید مستحکم بنانے کا عزم
دونوں رہنماؤں نے اس عزم کا اعادہ کیا کہ دونوں برادر ممالک کے درمیان طے پانے والے فیصلوں کو عملی شکل دے کر دوطرفہ تعاون کو مزید وسعت دی جائے گی۔
