وفاقی حکومت کی جانب سے پیٹرولیم مصنوعات کی قیمتوں میں اضافہ کردیا گیا ہے، پیٹرول کی قیمت میں 5 روپے 44 پیسے فی لیٹر جبکہ ڈیزل کی قیمت میں 31 روپے 5 پیسے فی لیٹر اضافہ ہوگیا۔
قیمت میں اضافے کے بعد پیٹرول کی نئی قیمت 316 روپے 15 پیسے فی لیٹر جبکہ ہائی اسپیڈ ڈیزل کی قیمت بڑھ کر 354 روپے 35 پیسے فی لیٹر ہوگئی ہے۔
اس سے قبل پیٹرول کی قیمت 310 روپے 71 پیسے فی لیٹر جبکہ ہائی اسپیڈ ڈیزل کی قیمت 323 روپے 30 پیسے فی لیٹر تھی۔
پیٹرولیم مصنوعات کی نئی قیمتوں کا اطلاق فوری طور پر کردیا گیا ہے۔ حکومت کے مطابق قیمتوں میں اضافے کا تعلق عالمی منڈی میں تیل کی قیمتوں میں اتار چڑھاؤ سے ہے، نئی قیمتوں کا اطلاق 20 جولائی تک ہے۔
یاد رہے کہ اس سے قبل وفاقی وزیر پیٹرولیم علی پرویز ملک نے پریس کانفرنس میں کہا تھا کہ عالمی منڈی میں بڑھتی قیمتوں کے باعث پیٹرولیم مصنوعات کی قیمت کا تعین روزانہ کی بنیاد پر کیا جائے گا۔
