وزیراعظم شہباز شریف نے یومِ الحاقِ پاکستان کے موقع پر اپنے پیغام میں کہا ہے کہ 19 جولائی 1947 کو آل جموں و کشمیر مسلم کانفرنس کی جانب سے منظور کی گئی تاریخی قرارداد برصغیر کی تاریخ کا ایک اہم سنگِ میل ہے، جس میں جموں و کشمیر کے مسلمانوں نے ریاست کے پاکستان سے الحاق کی خواہش کا اظہار کیا تھا۔
مزید پڑھیں:’کشمیر بنے گا پاکستان‘: 19 جولائی کی تاریخی قرارداد آج بھی زندہ، اہل کشمیر اپنے عزم پر قائم
وزیراعظم نے کہا کہ اس متفقہ قرارداد نے اُس وقت جموں و کشمیر کے مسلمانوں کی اجتماعی سیاسی امنگوں کی نمائندگی کی اور ڈوگرہ حکمرانوں سے مطالبہ کیا گیا تھا کہ وہ عوام کی خواہشات کا احترام کریں۔ ان کے بقول یہ قرارداد کشمیری عوام کی سیاسی جدوجہد میں آج بھی ایک اہم تاریخی حیثیت رکھتی ہے۔
Prime Minister Muhammad Shehbaz Sharif’s Message on the Occasion of Youm-e-Ilhaq-e-Pakistan (Kashmir’s Accession to Pakistan Day) 19 July 2026.
Youm-e-Ilhaq-e-Pakistan (Kashmir’s Accession to Pakistan Day) is observed annually to commemorate the historic resolution adopted by…
— Prime Minister’s Office (@PakPMO) July 18, 2026
انہوں نے کہا کہ یومِ الحاقِ پاکستان پاکستان اور جموں و کشمیر کے عوام کے درمیان تاریخی، مذہبی، ثقافتی، جغرافیائی اور دیرینہ رشتوں کی یاد تازہ کرتا ہے، جبکہ اس موقع پر کشمیری عوام کی آزادانہ رائے اور خواہشات کے احترام کی اہمیت بھی اجاگر ہوتی ہے۔
وزیراعظم شہباز شریف نے اپنے پیغام میں کہا کہ پاکستان اقوام متحدہ کی سلامتی کونسل کی متعلقہ قراردادوں کے مطابق جموں و کشمیر کے عوام کے ناقابلِ تنسیخ حقِ خودارادیت کی اصولی حمایت جاری رکھے گا۔
مزید پڑھیں:کراچی: کشمیر کالونی میں آزاد کشمیر انتخابات پر بحث، مہاجرین نشستوں کی اہمیت اور کشمیریوں کے تحفظات
انہوں نے کہا کہ جموں و کشمیر کا تنازع اب بھی جنوبی ایشیا کے امن و استحکام پر گہرے اثرات مرتب کر رہا ہے اور خطے میں پائیدار امن اسی صورت ممکن ہے جب اس مسئلے کو اقوام متحدہ کی سلامتی کونسل کی قراردادوں اور کشمیری عوام کی امنگوں کے مطابق پرامن طریقے سے حل کیا جائے۔
وزیراعظم نے بھارتی زیرِ انتظام جموں و کشمیر کے عوام کی جرات، ثابت قدمی اور بنیادی حقوق کے حصول کے لیے ان کی جدوجہد کو خراجِ تحسین پیش کرتے ہوئے کہا کہ پاکستان کشمیری عوام کے حقِ خودارادیت کے حصول تک اپنی سفارتی، سیاسی اور اخلاقی حمایت جاری رکھے گا۔
