جنرل سید عامر رضا نے نیشنل اسٹریٹجک کمانڈ کے کمانڈر کی حیثیت سے عہدہ سنبھال لیا ہے، جس پر انہیں گارڈ آف آنر پیش کیا گیا۔
یہ بھی پڑھیں: چیف آف جنرل اسٹاف عامر رضا کی سعودی ہم منصب سے ملاقات، دفاعی تعاون بڑھانے پر اتفاق
آئی ایس پی آر کے مطابق جنرل سید عامر رضا، ہلال امتیاز (ملٹری)، ستارہ بسالت نے کمان سنبھالنے کے بعد یادگارِ شہدا پر حاضری دی، پھولوں کی چادر چڑھائی اور شہدا کے درجات کی بلندی کے لیے فاتحہ خوانی کی۔
بعد ازاں کمانڈر نیشنل اسٹریٹجک کمانڈ نے جنرل ہیڈکوارٹرز راولپنڈی میں چیف آف آرمی اسٹاف اور چیف آف ڈیفنس فورسز فیلڈ مارشل سید عاصم منیر سے ملاقات کی۔
یہ بھی پڑھیں: بھارتی مظالم کیخلاف پاکستان کشمیریوں کے ساتھ کھڑا ہے، آرمی چیف کا مظفرآباد میں شہدا کو خراجِ عقیدت
آئی ایس پی آر کے مطابق فیلڈ مارشل سید عاصم منیر نے جنرل سید عامر رضا کو نئی ذمہ داریاں سنبھالنے پر مبارکباد دی اور ان کے لیے نیک خواہشات کا اظہار کیا۔
