شاہ چارلس نے نورفوک میں واقع آر اے ایف مارہم کا دورہ کیا ہے، جہاں انہوں نے جدید ترین ایف 35 بی لائٹننگ لڑاکا طیاروں کی صلاحیتوں کے بارے میں بریفنگ لی اور فوجی اہلکاروں و ان کے خاندانوں سے ملاقات کی۔
یہ بھی پڑھیں: شاہ چارلس نے اسکاٹ لینڈ کے نایاب شاہی خزانے کو تباہی سے کیسے بچایا؟
برطانوی شاہی خاندان کے مطابق کنگ چارلس نے 28 جولائی کو فوجی مصروفیت کے دوران فضائی اڈے کا دورہ کیا، جہاں انہیں برطانیہ کے جدید لڑاکا طیاروں کے آپریشنز اور دفاعی صلاحیتوں سے آگاہ کیا گیا۔
شاہی خاندان کے سرکاری اکاؤنٹ سے جاری تصاویر کے ساتھ بتایا گیا کہ ایف 35 بی طیارے برطانوی فضائیہ اور شاہی بحریہ کے مشترکہ انتظام کے تحت کام کرتے ہیں اور انہیں آر اے ایف مارہم کے علاوہ کوئین الزبتھ کلاس طیارہ بردار بحری جہازوں سے بھی چلایا جاتا ہے۔
View this post on Instagram
دورے کے دوران کنگ چارلس نے طیارے کے کاک پٹ کا جائزہ لیا اور ایئر بیس سے وابستہ مختلف شعبوں کے ارکان سے ملاقات کی، جن میں کمیونٹی سپورٹ، لچک اور ماحولیاتی تبدیلی سے متعلق گروپ بھی شامل تھا۔
یہ بھی پڑھیں: برطانیہ کو نیا وزیراعظم مل گیا، اینڈی برنہم نے شاہ چارلس سے ملاقات کے بعد حکومت سنبھال لی
تصاویر میں کنگ چارلس کو طیاروں کے ہینگر میں فوجی اہلکاروں سے ملاقات کرتے ہوئے دیکھا گیا۔ اس موقع پر انہوں نے ہلکے سرمئی رنگ کا سوٹ، دھاری دار ٹائی اور نیلے رنگ کا پھول پہن رکھا تھا۔
شاہی مداحوں نے سوشل میڈیا پر کنگ چارلس کی صحت اور سرگرمیوں پر مثبت ردعمل دیا اور ان کی ذمہ داریوں کو سراہا۔
