امریکا نے دعویٰ کیا ہے کہ ایران نے مشرقِ وسطیٰ میں تعینات امریکی افواج کو نشانہ بنانے کے لیے متعدد بیلسٹک میزائل داغے، تاہم امریکی فضائی دفاعی نظام نے تمام میزائل راستے میں ہی تباہ کر دیے اور حملہ مکمل طور پر ناکام بنا دیا۔
امریکی سینٹرل کمانڈ (سینٹکام) کے مطابق ایران نے امریکی فوجی تنصیبات پر ’اچانک حملے‘ کی کوشش کی، لیکن امریکی دفاعی نظام نے بروقت کارروائی کرتے ہوئے تمام میزائلوں کو ہدف تک پہنچنے سے پہلے ہی تباہ کر دیا۔ امریکی فوج نے حملے کے مقام کی تفصیلات ظاہر نہیں کیں، تاہم بین الاقوامی میڈیا رپورٹس کے مطابق میزائل ایک امریکی فوجی اڈے کی سمت داغے گئے تھے۔
یہ بھی پڑھیں:گارجین رپورٹ: کیا ایران امریکا معاہدہ بچانے کے لیے ڈونلڈ ٹرمپ اسرائیلی وزیراعظم نیتن یاہو کو لگام دیں گے؟
دوسری جانب ایران کے پاسدارانِ انقلاب نے حملے کی ذمہ داری قبول کرتے ہوئے کہا ہے کہ اس نے خطے میں موجود امریکی فوجی تنصیبات اور امریکی سینٹرل کمانڈ سے وابستہ اہداف پر متعدد بیلسٹک میزائل داغے۔ ایرانی حکام کے مطابق یہ کارروائی امریکی اقدامات کے جواب میں کی گئی۔
امریکی میڈیا ادارے (Axios) نے ایک امریکی عہدیدار کے حوالے سے رپورٹ کیا کہ ایران نے ایک امریکی فوجی اڈے کو نشانہ بنانے کی کوشش کی، تاہم تمام میزائل امریکی دفاعی نظام نے فضا میں ہی تباہ کر دیے۔
BREAKING: It appears Iran has fired missiles after days of an unofficial ceasefire with the US.
Missiles appear to have been fired toward Jordan, targeting U.S. bases. pic.twitter.com/S7Xx3M9fk9
— Clash Report (@clashreport) July 28, 2026
یہ واقعہ ایسے وقت پیش آیا ہے جب امریکی صدر ڈونلڈ ٹرمپ نے حالیہ دنوں ایران کے خلاف جاری فضائی کارروائیوں کو عارضی طور پر روکنے کا اعلان کرتے ہوئے کہا تھا کہ تہران کے ساتھ مثبت بات چیت جاری ہے، تاہم انہوں نے خبردار کیا تھا کہ اگر مذاکرات نتیجہ خیز ثابت نہ ہوئے تو فوجی کارروائیاں دوبارہ شروع کی جا سکتی ہیں۔ ایران نے امریکی دعووں کی تردید کرتے ہوئے کہا ہے کہ واشنگٹن کے ساتھ کسی نئے مذاکرات کا آغاز نہیں ہوا۔
