بھارت کی حکمران جماعت بھارتیہ جنتا پارٹی (بی جے پی) سے تعلق رکھنے والی رہنما کی بیٹی یشسوینی راجے سنگھ نے ملک میں نوجوانوں کی جانب سے ہونے والے احتجاج کی حمایت کرتے ہوئے کہا ہے کہ یہ تحریک روزگار، امتحانی نظام اور نوجوانوں کے مستقبل سے متعلق حقیقی مسائل کو اجاگر کررہی ہے۔
یہ بھی پڑھیں: اگر طلبا کو دھمکانا بند نہیں کیا تو پہلے سے بڑا احتجاج کریں گے، کاکروچ جنتا پارٹی کا اعلان
الجزیرہ کو دیے گئے انٹرویو میں یشسوینی راجے سنگھ نے کہا کہ ان کا تعلق بی جے پی کے سیاسی خاندان سے ضرور ہے، تاہم وہ نوجوانوں کے مطالبات کو جائز سمجھتی ہیں اور ان کی آواز کے ساتھ کھڑی ہیں۔
ان کا کہنا تھا کہ احتجاج میں شامل نوجوانوں کا مقصد سیاسی مخالفت نہیں بلکہ ایسے مسائل کی نشاندہی کرنا ہے جو لاکھوں طلبہ اور نوجوانوں کی زندگیوں کو متاثر کر رہے ہیں۔ انہوں نے کہا کہ نوجوانوں کی بات سنی جانی چاہیے اور ان کے خدشات کا سنجیدگی سے حل تلاش کیا جانا چاہیے۔
یہ بھی پڑھیں: حکومت سے کامیاب مذاکرات، ’کاکروچ جنتا پارٹی‘ نے احتجاج ختم کرنے کا اعلان کردیا
بھارت میں حالیہ ہفتوں کے دوران نوجوانوں کی زیر قیادت احتجاجی تحریک نے وسیع توجہ حاصل کی، جس میں امتحانی نظام، روزگار کے مواقع اور حکومتی پالیسیوں کے خلاف مظاہرے کیے گئے۔ ان احتجاجوں کے بعد حکومت کو بعض مطالبات پر اقدامات کرنا پڑے، جن میں وفاقی وزیر تعلیم دھرمیندر پردھان کا استعفیٰ بھی شامل تھا۔
