وزیراعظم محمد شہباز شریف اور صدر مملکت آصف علی زرداری نے عالمی یومِ انسدادِ انسانی اسمگلنگ کے موقع پر اپنے الگ الگ پیغامات میں اس عزم کا اعادہ کیا ہے کہ انسانی اسمگلنگ جیسے منظم بین الاقوامی جرم کے خاتمے کے لیے قومی اور عالمی سطح پر مربوط اور مؤثر اقدامات جاری رکھے جائیں گے۔
وزیراعظم شہباز شریف نے اپنے پیغام میں کہا کہ انسانی اسمگلنگ صرف ایک بین الاقوامی جرم نہیں بلکہ انسانی حقوق کی سنگین خلاف ورزی بھی ہے، جس کے مکمل سدباب کے لیے قانونی، سماجی، انتظامی اور حکومتی سطح پر جامع حکمت عملی ناگزیر ہے۔
مزید پڑھیں: پاکستان اور ایران میں انسداد دہشتگردی، منشیات اور انسانی اسمگلنگ کے خلاف تعاون بڑھانے پر اتفاق
انہوں نے کہا کہ حکومت نے وفاقی تحقیقاتی ادارے (ایف آئی اے) سمیت قانون نافذ کرنے والے اداروں کے لیے پیشگی روک تھام کی خصوصی حکمت عملی وضع کی ہے، جبکہ صوبائی حکومتوں، انٹرپول اور اقوام متحدہ کے ادارہ برائے انسدادِ منشیات و جرائم (UNODC) کے ساتھ بھی تعاون جاری ہے۔
Prime Minister Muhammad Shehbaz Sharif’s Message on the Occasion of World Day Against Trafficking in Persons, 30 July 2026.
Pakistan joins the international community in observing the World Day against Human Trafficking with a renewed resolve to continue our collective efforts,… pic.twitter.com/82O08Zij7U
— Prime Minister’s Office (@PakPMO) July 30, 2026
وزیراعظم نے شہریوں پر زور دیا کہ وہ کسی بھی مشکوک سرگرمی کی فوری اطلاع ایف آئی اے کو دیں اور کہا کہ انسانی اسمگلنگ کے متاثرین مجرم نہیں بلکہ مظلوم ہیں، جنہیں قانونی تحفظ، نفسیاتی معاونت اور معاشرے میں باعزت بحالی کی ضرورت ہے۔
صدر مملکت آصف علی زرداری نے اپنے پیغام میں کہا کہ انسانی اسمگلنگ کے خاتمے کے لیے عالمی اور مربوط تعاون ناگزیر ہے۔ انہوں نے کہا کہ غربت، بے روزگاری اور تنازعات اس جرم کی بنیادی وجوہات ہیں، جبکہ نوجوانوں کو آن لائن دھوکہ دہی اور جعلی بیرونِ ملک ملازمت کی پیشکشوں سے بچانے کے لیے جامع حکمت عملی اپنانا ہوگی۔
Traffickers prey on vulnerability. Education is our ultimate shield.
🛡️ On the World Day Against Trafficking in Persons, AEHHF advocates for the protection of women & girls. By empowering them with education & skills, we destroy the roots of exploitation.
📚⚖️ #AEHHF pic.twitter.com/Z4CJDekQQ1
— Albertiqs Extra Helping Hand Foundation (@albertiqsfdn) July 30, 2026
صدر مملکت نے کہا کہ پاکستان نے انسانی اسمگلنگ کے خلاف اپنی حکمت عملی مزید مؤثر بنائی ہے، ایف آئی اے اس جرم کے خلاف صفِ اول کا کردار ادا کر رہا ہے اور انٹیلی جنس صلاحیتوں کے ساتھ سرحدی نگرانی کو بھی مزید مضبوط بنایا جا رہا ہے۔ انہوں نے کہا کہ محفوظ، باوقار اور باامید پاکستان کی تعمیر ہم سب کی مشترکہ ذمہ داری ہے۔
