بانی چیئرمین پاکستان تحریک انصاف عمران خان کی اسپتال منتقلی کی درخواست پر رجسٹرار سپریم کورٹ کے عائد کردہ اعتراضات کے خلاف دائر اپیل سماعت کے لیے مقرر کر دی گئی ہے۔
یہ بھی پڑھیں: بشریٰ بی بی نے سزا معطلی کے لیے وفاقی آئینی عدالت سے رجوع کر لیا
سپریم کورٹ کے مطابق چیف جسٹس یحییٰ آفریدی کل اپنے چیمبر میں بانی پی ٹی آئی کی اپیل پر سماعت کریں گے۔
یاد رہے کہ رجسٹرار آفس نے درخواست پر یہ اعتراض عائد کیا تھا کہ جمع کرائے گئے وکالت نامے پر بانی پی ٹی آئی کے دستخط موجود نہیں تھے جس کے باعث درخواست پر اعتراضات لگا دیے گئے تھے۔
مزید پڑھیے: عمران خان اور بشریٰ بی بی کی قیدِ تنہائی کیخلاف درخواستوں پر اعتراضات دور، سماعت کل ہوگی
بعد ازاں بانی پی ٹی آئی کی قانونی ٹیم نے رجسٹرار آفس کے اعتراضات دور کرتے ہوئے دستخط شدہ وکالت نامہ سپریم کورٹ میں جمع کرا دیا، جس کے بعد اعتراضات کے خلاف دائر اپیل سماعت کے لیے مقرر کر دی گئی ہے۔
