پاکستان مسلم لیگ (ن) کے رکن پنجاب اسمبلی ثاقب چدھڑ نے اداکارہ عروبہ مرزا کی جانب سے سوشل میڈیا پر شیئر کیے گئے مبینہ پرانے پیغامات کے اسکرین شاٹس پر ردعمل دیتے ہوئے ان دعوؤں کو مسترد کر دیا ہے۔
ثاقب چدھڑ نے اپنی انسٹاگرام اسٹوری میں موقف اختیار کیا کہ اداکارہ کی جانب سے شیئر کیے گئے پیغامات ان کے اصل اکاؤنٹ سے نہیں بھیجے گئے بلکہ کسی جعلی اکاؤنٹ سے ارسال کیے گئے تھے۔ انہوں نے کہا کہ وہ اپنا اصل اکاؤنٹ خود استعمال کرتے ہیں۔
رکن پنجاب اسمبلی نے اپنی پوسٹ میں مزید لکھا کہ ’عروبہ مرزا کبھی بھی میرے لیے اہم نہیں رہیں اور دشمن بھی خاندانی ہونا چاہیے‘۔
واضح رہے کہ اداکارہ عروبہ مرزا نے انسٹاگرام اسٹوریز پر کچھ مبینہ پرانے چیٹ اسکرین شاٹس شیئر کیے جن میں بظاہر ثاقب چدھڑ کی جانب سے گفتگو شروع کرنے اور اسنیپ چیٹ پر بات جاری رکھنے کی درخواستیں دکھائی گئی ہیں۔ اداکارہ نے ان اسکرین شاٹس کے ساتھ لکھا تھا کہ مومنہ اقبال، سیدہ طوبیٰ اور اب میں بھی۔
