نائب وزیراعظم و وزیر خارجہ سینیٹر محمد اسحاق ڈار نے اردن میں یروشلم سے متعلق وزارتی اجلاس کے موقع پر صومالیہ کے وزیر خارجہ و بین الاقوامی تعاون عبدالسلام عبدی علی اور اردن کے نائب وزیراعظم و وزیر خارجہ ایمن الصفدی سے الگ الگ ملاقاتیں کیں۔
Deputy Prime Minister/Foreign Minister Senator Mohammad Ishaq Dar @MIshaqDar50 met Jordanian Deputy Prime Minister and Minister of Foreign Affairs and Expatriates, H.E. Mr. Ayman Safadi, on the sidelines of the Ministerial Meeting on Jerusalem in Amman.
The two leaders welcomed… pic.twitter.com/AQX7mCtmaD
— Ministry of Foreign Affairs – Pakistan (@ForeignOfficePk) August 5, 2026
اسحاق ڈار اور صومالیہ کے وزیر خارجہ نے پاکستان اور صومالیہ کے برادرانہ تعلقات کا جائزہ لیا اور سیاسی، اقتصادی، دفاعی، تعلیمی اور استعداد کار بڑھانے کے شعبوں میں تعاون مزید مضبوط بنانے پر اتفاق کیا۔ دونوں رہنماؤں نے کثیرالجہتی فورمز پر قریبی رابطہ برقرار رکھنے کے عزم کا بھی اعادہ کیا، جبکہ مشرقِ وسطیٰ اور مشرقی یروشلم کی صورتحال پر بھی تبادلہ خیال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 met Jordanian Deputy Prime Minister and Minister of Foreign Affairs and Expatriates, H.E. Mr. Ayman Safadi, on the sidelines of the Ministerial Meeting on Jerusalem in Amman.
The two leaders welcomed… pic.twitter.com/AQX7mCtmaD
— Ministry of Foreign Affairs – Pakistan (@ForeignOfficePk) August 5, 2026
اردن کے نائب وزیراعظم و وزیر خارجہ ایمن الصفدی سے ملاقات میں دونوں رہنماؤں نے پاکستان اور اردن کے درمیان سیاسی، دفاعی، اقتصادی، تعلیمی، ثقافتی اور عوامی روابط مزید فروغ دینے پر اتفاق کیا۔ اسحاق ڈار نے یروشلم میں اسلامی اور مسیحی مقدس مقامات کے تحفظ اور فلسطینی عوام کی حمایت میں اردن کے کردار کو سراہا۔
مزید پڑھیں:یومِ استحصالِ کشمیر: پاکستان کشمیری عوام کی ہر سطح پر حمایت جاری رکھے گا، رانا ثنا اللہ
ملاقات میں مقبوضہ مغربی کنارے کی بگڑتی ہوئی صورتحال، ایران اور امریکہ سے متعلق حالیہ پیشرفت سمیت علاقائی امور پر بھی تبادلہ خیال کیا گیا۔ دونوں رہنماؤں نے خطے میں کشیدگی کم کرنے کے لیے مذاکرات اور سفارت کاری کی اہمیت پر زور دیتے ہوئے اقوام متحدہ، او آئی سی اور دیگر عالمی فورمز پر قریبی تعاون جاری رکھنے کے عزم کا اظہار کیا۔
