نیشنل ڈیٹا بیس اینڈ رجسٹریشن اتھارٹی (نادرا) نے پنجاب میں پاکستانی شناختی کارڈ غیرقانونی طور پر رکھنے کے شبہے میں مزید 741 افراد کو نوٹس جاری کردیے۔
نادرا کے علاقائی دفتر نے 741 مشتبہ شناختی کارڈ رکھنے والے افراد کی ابتدائی فہرست جاری کرکے انہیں نوٹس بھجوا دیے ہیں۔ فہرست میں ضلع جہلم اور مختلف تحصیلوں سے تعلق رکھنے والے افراد شامل ہیں۔
یہ بھی پڑھیں: پشاور: نادرا نے قائدِاعظم کا شناختی کارڈ کیوں بلاک کیا؟
نادرا کی جانب سے تمام نامزد افراد کو ہدایت کی گئی ہے کہ وہ 15 روز کے اندر اپنے متعلقہ نادرا زونل دفتر میں پیش ہوں اور ضروری دستاویزات بھی ہمراہ لائیں۔
نادرا حکام کے مطابق مقررہ مدت کے اندر پیش نہ ہونے والے افراد کے شناختی کارڈ بلاک کردیے جائیں گے، جبکہ مشتبہ افراد اور ان کے خاندان کے خلاف بھی کارروائی کی جائے گی۔
یہ بھی پڑھیں: افغان شہریوں کے لیے جعلی شناختی کارڈز بنانے والوں کا نیٹ ورک بے نقاب، نادرا افسران سمیت 4 گرفتار
نادرا کی جانب سے جعلی اور مشتبہ شناختی دستاویزات کے خلاف جاری کارروائی کے دوران یہ بھی سامنے آیا ہے کہ افغان مہاجرین نے غیرقانونی طور پر پاکستانی شناختی کارڈ حاصل کیے۔
