اسلام آباد ٹریفک پولیس نے بارش کے دوران شہریوں کو ڈرائیونگ کرتے ہوئے احتیاطی تدابیر اختیار کرنے کی ہدایت کی ہے۔
ٹریفک پولیس کے مطابق بارش کے دوران گاڑی اور موٹرسائیکل کی رفتار کم رکھی جائے اور آگے چلنے والی گاڑیوں سے مناسب فاصلہ برقرار رکھا جائے۔
یہ بھی پڑھیں: جڑواں شہروں میں بارش، واسا ہائی الرٹ، نکاسیٔ آب کے اقدامات جاری
شہریوں کو ہدایت کی گئی ہے کہ بارش کے دوران فوگ لائٹس کا استعمال کریں اور دورانِ ڈرائیونگ ہمیشہ اپنی لین میں رہیں۔
ٹریفک پولیس نے کہا ہے کہ ڈرائیونگ کے دوران سائیڈ شیشوں، انڈیکیٹرز اور سیٹ بیلٹ کا استعمال لازمی کیا جائے۔
یہ بھی پڑھیں: بالائی علاقوں میں برفباری کے دوران کونسی ضروری احتیاطی تدابیر پر عمل کرنا چاہیے؟
موٹرسائیکل سواروں کو ہدایت کی گئی ہے کہ وہ انتہائی بائیں لین میں سفر کریں اور ہیلمٹ کا استعمال لازمی کریں۔
اسلام آباد ٹریفک پولیس کے افسران شہریوں کی سہولت اور آگاہی کے لیے سڑکوں پر موجود ہیں۔
