اسٹیٹ بینک آف پاکستان (SBP) کے پاس موجود غیر ملکی زرمبادلہ کے ذخائر میں ہفتہ وار بنیادوں پر ایک کروڑ 70 لاکھ ڈالر کا اضافہ ریکارڈ کیا گیا ہے جس کے بعد 21 اگست تک مرکزی بینک کے ذخائر بڑھ کر 17.10 ارب ڈالر (17,098.5 ملین ڈالر) کی سطح پر پہنچ گئے ہیں۔
یہ بھی پڑھیں: فری لانسرز ملکی معیشت کا مضبوط سہارا بن گئے، ریکارڈ زرمبادلہ کما لیا
اسٹیٹ بینک کی جانب سے جاری کردہ تازہ ترین اعداد و شمار کے مطابق ملک کے مجموعی مائع زرمبادلہ کے ذخائر 22.59 ارب ڈالر ہو گئے ہیں۔
کمرشل بینکوں کے ذخائر
کمرشل بینکوں کے پاس موجود نیٹ غیر ملکی زرمبادلہ کے ذخائر کا حجم 5.49 ارب ڈالر رہا۔
مزید پڑھیے: معاشی اصلاحات رنگ لے آئیں، ملک پر قرضوں کا بوجھ کم، زرمبادلہ کے ذخائر، مالی نظم و ضبط میں نمایاں بہتری
مرکزی بینک نے ذخائر میں اس معمولی اضافے کی کوئی مخصوص وجہ ظاہر نہیں کی ہے۔ اس سے قبل پچھلے ہفتے اسٹیٹ بینک کے پاس زرمبادلہ کے ذخائر 17.08 ارب ڈالر کی سطح پر تھے۔
