وزیر دفاع خواجہ آصف نے کہا ہے کہ بانی پی ٹی آئی عمران خان کے بیٹے سلیمان خان اور قاسم خان آخری بار 2022 میں نائیکوپ پر پاکستان آئے تھے اور آج بھی اگر وہ چاہیں تو پاکستان آسکتے ہیں۔
سماجی رابطے کی سائٹ ایکس پر ایک بیان میں خواجہ آصف نے کہاکہ دونوں کے نائیکوپ کارڈز مؤثر ہیں، اس لیے یہ تاثر دینا غلط ہے کہ حکومت انہیں ویزا نہیں دے رہی۔
بانی pti کے بچوں نے ان NICOP پہ آخری دفعہ 2022 میں پاکستان سفر کیا تھا۔ اور آج اگر چاہئیں تو پاکستان تشریف لا سکتے ھیں۔ دونوں NICOP valid ھیں ۔ فیملی یا pti کا یہ تاثر دینا کہ حکومت انکو ویزا نہیں دے رہی غلط ھے۔ NICOP کی موجودگی جب چاہیں پاکستان سفر کر سکتے ھیں۔ ویزا کی کوئی…
— Khawaja M. Asif (@KhawajaMAsif) August 30, 2026
انہوں نے کہاکہ عمران خان کے بیٹوں کے پاس نائیکوپ موجود ہونے کی صورت میں انہیں پاکستان آنے کے لیے ویزے کی ضرورت نہیں اور وہ جب چاہیں پاکستان کا سفر کرسکتے ہیں۔
خواجہ آصف نے بتایا کہ سلیمان خان کا نائیکوپ موجود ہے جو 6 جنوری 2030 تک مؤثر ہے، جبکہ قاسم خان کا نائیکوپ بھی موجود ہے جو 8 نومبر 2032 تک مؤثر ہے۔
انہوں نے کہاکہ خاندان یا پی ٹی آئی کی جانب سے یہ تاثر دینا کہ حکومت عمران خان کے بیٹوں کو ویزے جاری نہیں کر رہی، درست نہیں، کیونکہ نائیکوپ رکھنے والے پاکستانی شہریوں کو پاکستان آنے کے لیے ویزے کی ضرورت نہیں ہوتی۔
