پاکستان شوبز انڈسٹری کی ماضی کی معروف اداکارہ فریال گوہر نے اپنی ازدواجی زندگی کے دوران مبینہ گھریلو تشدد کے تلخ تجربات پر پہلی بار کھل کر گفتگو کی ہے، جس پر ان کے سابق شوہر اور اداکار جمال شاہ نے ان الزامات کی تردید کی ہے۔
حالیہ انٹرویو میں فریال گوہر نے دعویٰ کیا کہ شادی کے بعد انہیں متعدد مرتبہ چمڑے کی بیلٹ سے تشدد کا نشانہ بنایا گیا، جبکہ تشدد کی شدت کے باعث انہیں حمل ضائع ہونے جیسے کربناک تجربے سے بھی گزرنا پڑا۔
She carried all that trauma within herself for 35 years. I got goosebumps watching this clip of Faryal Gohar, imagining the agony of being beaten with belts while pregnant and, even in London, being kicked in the kidneys by her former husband Jamal Shah.
Imagine how many other… https://t.co/E4aOwWQ8Y8 pic.twitter.com/7CxPJTcVWH
— Dr Shama Junejo (@ShamaJunejo) September 1, 2026
فریال گوہر کے مطابق ان کی شادی 23 سال کی عمر میں ہوئی تھی اور یہ رشتہ ابتدا میں ان کی اپنی پسند سے قائم ہوا تھا، جبکہ ان کا خاندان بھی اس شادی پر خوش تھا۔
اداکارہ نے بتایا کہ مسلسل تشدد کے باعث انہیں اپنی چوٹیں چھپانا پڑتی تھیں اور بعض اوقات جسمانی تکلیف کی شدت کے سبب وہ کلاسز میں بھی شرکت نہیں کر پاتی تھیں۔ ان کے بقول انہیں شدید جسمانی تکلیف کے ساتھ گردوں سے متعلق مسائل کا بھی سامنا کرنا پڑا، کیونکہ کمر پر گھٹنے مارے جاتے تھے، جبکہ اس دوران ان کی سرجریز بھی ہوئیں۔
فریال گوہر نے حمل ضائع ہونے کے ایک واقعے کا ذکر کرتے ہوئے کہا کہ آخری مرتبہ وہ جڑواں بچوں کی امید سے تھیں اور اس حوالے سے بہت پُرامید تھیں، تاہم ان کے مطابق تشدد کے باعث حمل ضائع ہوگیا۔
اداکارہ کے مطابق ڈاکٹر نے انہیں مشورہ دیا کہ دوبارہ حاملہ ہونے سے قبل وہ اپنی ازدواجی زندگی کی صورتحال کا جائزہ لیں۔ فریال گوہر نے کہا کہ اسی مرحلے پر انہوں نے پہلی بار اپنی شادی ختم کرنے کے بارے میں سنجیدگی سے سوچا۔
فریال گوہر کے ان دعوؤں پر ان کے سابق شوہر اور اداکار جمال شاہ نے ردعمل دیتے ہوئے کہا کہ ’یہ سچ نہیں لیکن خدا ان کو خوش رکھے‘۔
یہ سچ نہیں لیکن خُدا اُن کو خوش رکھے https://t.co/1OR6MQwYyZ
— Jamal Shah (@SydJamalShah) September 2, 2026
جمال شاہ کا کہنا تھا کہ فریال گوہر کے ساتھ ان کی شادی پانچ سال تک رہی اور انہیں اس رشتے پر نہ کوئی پچھتاوا ہے اور نہ ہی کوئی تلخی۔ ان کے مطابق دونوں باہمی رضامندی اور مہذب انداز میں علیحدہ ہوئے اور طویل عرصے تک انہوں نے اپنی طلاق کا میڈیا میں ذکر بھی نہیں کیا۔
انہوں نے کہا کہ ان کی دعائیں آج بھی فریال گوہر کے ساتھ ہیں اور وہ دعا کرتے ہیں کہ اللہ انہیں ان کی فیملی کے ساتھ خوش رکھے۔ جمال شاہ نے مزید کہا کہ وہ اپنی موجودہ فیملی کے ساتھ سادہ زندگی گزار رہے ہیں اور اس پر اپنے رب کے شکر گزار ہیں۔
میں نے آج تک کس بھی انٹرویو میں فریال کو بُرا نہیں کہا، ندا میری بیٹیوں کی طرح ہے جب اُس نے مجھے اپنے پروگرام کے لئے فون پر ریکویسٹ کی تو یہ نہیں بتایا تھا کہ فریال بھی ہونگی۔ ایک آدھ دن بعد اُنکا بھی بتایا تو مُجھے انکار کرنا ذرا معیوب لگا۔ندا کے پروگرام میں خاصا ریزرو رہا اور… https://t.co/mD7NYapO9f
— Jamal Shah (@SydJamalShah) September 2, 2026
انہوں نے کہا کہ حالیہ میڈیا بیانات کے بارے میں لوگ جو بھی رائے قائم کرنا چاہیں، یہ ان کا حق ہے تاہم ان کی زبان سے فریال گوہر کے بارے میں کبھی کوئی غلط بات نہیں نکلے گی۔
