پاکستان نے سعودی عرب کے مختلف شہروں میں حوثی ملیشیا کی جانب سے شہری اور اقتصادی اہداف پر کیے گئے حملوں کی سخت ترین الفاظ میں مذمت کی ہے۔
ترجمان دفتر خارجہ کے مطابق پاکستان نے سعودی عرب کے شہروں ابہا، خمیس مشیط، جازان اور نجران میں شہری اور اقتصادی اہداف پر حوثی ملیشیا کے حملوں کی شدید مذمت کی ہے۔
🔊PR No.2️⃣3️⃣9️⃣/2️⃣0️⃣2️⃣6️⃣
Pakistan Strongly Condemns the Reprehensible Attacks against the Kingdom of Saudi Arabia
🔗⬇️ pic.twitter.com/L0ZyfwsBKj
— Ministry of Foreign Affairs – Pakistan (@ForeignOfficePk) September 8, 2026
پاکستان نے کہاکہ یہ حملے سعودی عرب کی خودمختاری اور علاقائی سالمیت کی کھلی خلاف ورزی ہیں، جو پورے خطے کے امن و استحکام کے لیے خطرہ ہیں اور یمن کے تنازع کے پرامن اور پائیدار حل کے لیے جاری کوششوں کو نقصان پہنچاتے ہیں۔
پاکستان نے سعودی عرب کی خودمختاری، علاقائی سالمیت، سلامتی اور خوشحالی کے لیے اپنی غیر متزلزل حمایت کا اعادہ کرتے ہوئے سعودی قیادت، حکومت اور برادر عوام کے ساتھ مکمل یکجہتی کا اظہار کیا۔
پاکستان نے حملوں میں زخمی ہونے والے تمام افراد کی جلد اور مکمل صحت یابی کے لیے بھی نیک خواہشات کا اظہار کیا۔
دفتر خارجہ کے مطابق اقوام متحدہ کے چارٹر اور بین الاقوامی قانون کے مطابق پاکستان سعودی عرب کے اس جائز حق کی مکمل حمایت کرتا ہے کہ وہ اپنے علاقے کے دفاع، اپنے شہریوں اور مقیم افراد کے تحفظ اور اپنے قومی اثاثوں کو کسی بھی خطرے سے محفوظ رکھنے کے لیے تمام ضروری اقدامات اٹھائے۔
پاکستان نے کہاکہ وہ خطے میں دیرپا امن اور استحکام کے حصول کے لیے اپنی تمام تر کوششیں جاری رکھےگا۔
