پاکستان میں سونے کی قیمتوں میں بدھ کے روز اضافہ دیکھا گیا جو عالمی مارکیٹ میں سونے کی قیمت میں ہونے والے اضافے کے مطابق تھا۔ مقامی مارکیٹ میں سونے کی قیمت فی تولہ 800 روپے اضافے کے بعد 462,936 روپے تک پہنچ گئی۔
آل پاکستان جیمز اینڈ جیولرز سرافا ایسوسی ایشن (اے پی جی جے ایس اے) کی جانب سے جاری کردہ نرخوں کے مطابق 10 گرام سونے کی قیمت میں 686 روپے کا اضافہ ہوا جس کے بعد یہ 396,893 روپے میں فروخت ہوا۔
یہ بھی پڑھیں: بیلجیئم، گھر کی مرمت کے دوران دیوار سے 2 ارب 89 کروڑ کا سونا نکل آیا، اصل وارث کون؟، نئی بحث شروع
عالمی مارکیٹ میں سونے کی قیمت 8 ڈالر اضافے کے ساتھ 4,404 ڈالر فی اونس تک پہنچ گئی۔
دوسری جانب چاندی کی قیمت میں 72 روپے اضافہ ہوا جس کے بعد یہ فی تولہ 7,141 روپے تک پہنچ گئی۔
واضح رہے کہ منگل کے روز پاکستان میں سونے کی قیمت میں فی تولہ 1000 روپے کی کمی دیکھی گئی تھی جس کے بعد یہ 462,136 روپے تک آ گئی تھی۔
