وزیر دفاع خواجہ آصف نے کہا ہے کہ پاکستان، سعودی عرب اور ترکیہ کے ساتھ کیے گئے دفاعی عہد کے ساتھ ساتھ مکہ مکرمہ اور مدینہ منورہ کی حرمت کی حفاظت کے عہد کو بھی پورا کرے گا۔
خواجہ آصف نے سینیئر صحافی حامد میر کی ایک سوشل میڈیا پوسٹ کو ری ٹوئٹ کرتے ہوئے اپنے خیالات کا اظہار کیا۔ انہوں نے لکھا کہ ’ان شاء اللہ، ایک عہد 3 ریاستوں کے درمیان ہے، اس عہد پر پورا اترنا لازم ہے۔ دوسرا ازلی اور ابدی عہد مدینہ منورہ اور مکہ معظمہ کی حرمت کی حفاظت کا ہے، جو ہمارے ایمان کا جز ہے۔ پاکستان دونوں عہد نبھائے گا، یہ بڑے نصیب کی بات ہے، دنیا اور آخرت دونوں میں سرخرو۔‘
انشا ء اللہ ۔ ایک عہد تین ریاستوں کے درمیان ھے اس عہد پہ پورا اترنا لازم ھے ۔ دوسرا ازلی اور ابدی عہد مدینہ منورہ اور مکہ معظمہ کی حرمت کی حفاظت کا ھے۔ جو ھمارے ایمان کا جز ھے پاکستان دونوں عہد نبھائے گا۔ یہ بڑے نصیب کی بات ھے۔ دنیا اور آخرت دونوں میں سرخرو۔ https://t.co/1TJW7Vsr7V
— Khawaja M. Asif (@KhawajaMAsif) September 17, 2026
پاکستانی وزیر دفاع کا یہ بیان ایسے وقت میں سامنے آیا ہے جب سعودی عرب نے 16 ستمبر کو مکہ مکرمہ کے جنوب میں ایک حوثی ڈرون کو مار گرایا تھا۔ سعودی قیادت میں اتحاد کے ترجمان کے مطابق ڈرون مکہ کے ممنوعہ فضائی علاقے میں داخل ہونے سے پہلے تباہ کیا گیا۔
یہ بھی پڑھیں:مکہ معاہدہ دفاعی نوعیت کا ہے، آپریشنل تفصیلات عوامی سطح پر شیئر نہیں ہوتیں: ترجمان پاک فوج
یاد رہے کہ مکہ مشترکہ دفاعی معاہدہ 7 اگست 2026 کو پاکستان، سعودی عرب اور ترکیہ نے مکہ مکرمہ میں ہونے والی سربراہی ملاقات کے دوران کیا تھا۔ معاہدے کے تحت تینوں ممالک نے مشترکہ دفاعی تعاون مضبوط بنانے پر اتفاق کیا ہے، جبکہ اس میں واضح کیا گیا ہے کہ تینوں میں سے کسی ایک ملک پر مسلح حملہ تمام ممالک پر حملہ تصور ہوگا۔ پاکستانی وزارت خارجہ کے مطابق معاہدہ دفاعی نوعیت کا ہے اور کسی ملک کے خلاف نہیں۔
