میں بے اولاد کیوں رہی اور شادی ناکام کیوں ہوئی؟ پوجا بھٹ کے انکشافات

بھارتی اداکارہ پوجا بھٹ نے انکشاف  کیا ہے کہ جب وہ منیشن مکھیجا کے ساتھ شادی کے بندھن میں تھیں، اس وقت وہ بچے پیدا کرنے کو تیار نہیں تھیں، یہی وجہ ہے کہ ان کے بچے نہیں ہوئے۔

 بھارت کے سپر سٹار سلمان خان کے رئیلٹی شو بگ باس او ٹی ٹی 2 میں شریک بھارتی اداکارہ پوجا بھٹ نے اپنے سابق شوہر منیش مکھیجا کے ساتھ  ازدواجی زندگی کو یاد کرتے ہوئے بتایا ’میری شادی کو تقریباً 11 سال ہو گئے تھے، پھر ہمیں لگا کہ کچھ اچھا نہیں ہو رہا ہے اور ایسا مزید نہیں چل سکتا۔ انہوں نے کہا کہ ہمیں جھوٹی موٹی زندگی نہیں گزارنا چاہیے۔ یہ کوئی ڈریس ریہرسل نہیں ہوتی۔ آپ کو زندگی میں ایک ہی موقع ملتا ہے‘۔

پوجا بھٹ نے بتایا ’منیش مکھیجا بہت اچھے انسان ہیں، وہ انٹرٹینمنٹ انڈسٹری ہی کا حصہ تھے.  ان کا برج جدی ہے ، یہی وجہ ہے کہ ہم اتنے زیادہ برسوں تک اکٹھے رہے۔ لیکن جب ہم جھوٹ بولنا شروع کر دیتے ہیں، اس کے بعد جھوٹ ہی شروع ہوجاتا ہے۔ الزام تراشی کا کھیل شروع ہوجاتا ہے، میں اس کھیل کو پسند نہیں کرتی۔ بہرحال جو بھی تھا، اچھا تھا جب تک یہ سب کچھ تھا۔ جب تک ہمارے درمیان وقار پر مبنی تعلق قائم رہا، ہم اکٹھے رہے۔ اس کے بعد اہم اچھے انداز میں الگ ہوگئے۔

بگ باس او ٹی ٹی 2 میں جب پوجا بھٹ کے شریک مدمقابل بیبیکا دھووے نے پوجا بھٹ سے پوچھا کہ ان کے بچے کیوں نہیں ہوئے؟ اداکار و فلم ساز  نے جواب دیا ’ وہ  بہت عملیت پسند ہیں اور ان سے بہتر باپ کوئی نہیں ہو سکتا تھا۔ لیکن میں اس وقت بچے پیدا کرنے کے لیے تیار نہیں تھی۔ اب میں بچے چاہتی ہوں اور میں بچوں سے پیار کرتی ہوں لیکن اس وقت میں بچے نہیں چاہتی تھی‘۔

واضح رہے کہ پوجا بھٹ اور منیش مکھیجا نے 2003 میں شادی کی تھی اور 2014 میں علیحدگی کا اعلان کیا۔ تاہم پوجا بھٹ نے قانونی طور پر منیشن مکھیجا سے علیحدگی اختیار نہیں کی۔

پوجا بھٹ کا شمار اپنے وقت کی مشہور اور بولڈ اداکاراؤں میں ہوتا ہے۔ ان کی مقبول فلموں میں ’سڑک‘، ’دل ہے کہ مانتا نہیں‘،’چاہت‘ کے علاوہ دیگر کئی یادگار فلمیں شامل ہیں۔  آخری بار وہ 2021 میں نیٹ فلکس کی سیریز ’بامبے بیگمز‘ میں نظر آئی تھیں۔

خیال رہے کہ ویب سیریز ‘بومبے بیگمز’ کو رواں برس مارچ میں ریلیز کیا گیا تھا جو معاشرے کے مختلف حصوں سے تعلق رکھنے والی 5 خواتین سے متعلق ہے جو ماڈرن ممبئی جسے پہلے بومبے کہا جاتا تھا میں آگے بڑھنے کی کوشش کرتی ہیں۔

بگ باس او ٹی ٹی 2 میں پوجا بٹ اور بیبیکا کے علاوہ اینکر کامیڈین سائرس بروچا، ٹی وی اداکار جیا شنکر، اکانکشا پوری، فلق ناز، ابھیشیک ملہان، پلک پرسوانی، اویناش سچدیو بھی حصہ لے رہے ہیں۔ ٹک ٹاک اسٹار منیشا رانی بھی شو میں شریک ہیں۔

پونیت سپر اسٹار اس ہفتے کے شروع میں بگ باس OTT 2 سے نکالے جانے والے پہلے مدمقابل تھے۔