خیبر پختونخوا کے ضلع ڈیرہ اسماعیل خان میں دھماکے کے زخمیوں کو لے جانے والی ریسکیو ایمبولینس پر نامعلوم دہشتگردوں کی فائرنگ سے 2 ریسکو اہلکار جاں بحق جبکہ ایک زخمی ہو گیا۔
ریسکیو اور پولیس زرائع نے فائرنگ کے واقعے کی تصدیق کردی اور بتایا کہ پولیس ٹیم موقع پر پہنچ گئی ہے۔
انھوں نے بتایا کہ ریسکیو کی ایک ٹیم ایمبولینس میں ڈی آئی خان کے زخمی کو اسپتال منتقل کر رہی تھی کہ درابن کے قریب نامعلوم دہشتگردوں نے ایمبولینس پر فائرنگ دی جس کے نتیجے میں 2 ریسکیو اہلکار جاں بحق ہو گئے جبکہ ایک زخمی ہو گیا۔
پولیس کے مطابق ٹیمیں موقع پر پہنچ گئی ہیں اور لاشوں اور زخمی کو اسپتال منتقل کیا جا رہا ہے۔
واضح رہے کہ قبل ازیں امن میلہ چیک پوسٹ کے قریب ہونے والے دھماکے میں 11 افراد جاں بحق ہوگئے ہیں۔
یہ سفاکیت کی انتہا ہے، گورنر خیبرپختونخوا کی ریسکیو اہلکاروں پر فائرنگ کی مذمت
گورنر خیبرپختونخوا فیصل کریم کنڈی نے کہا ہے کہ دہشتگرد حملے کے بعد میتیں منتقل کرنے والے ریسکیو 1122 اہلکاروں پر فائرنگ انتہائی سفاکیت ہے۔
ایکس پر اپنے بیان میں انہوں نے کہاکہ جانیں بچانے کی ذمہ داری نبھاتے ہوئے شہید ہونے والے ریسکیو کے 2 اہلکاروں کو خراج عقیدت پیش کرتا ہوں۔
The firing on Rescue 1122 personnel while they were transporting the bodies of those martyred in the Darazinda Aman Mela attack is the height of brutality.
I pay tribute to the two Rescue officials who embraced martyrdom while carrying out their duty to save lives. I have…— Faisal Karim Kundi (@fkkundi) September 26, 2026
فیصل کریم کنڈی نے ہدایت کی کہ زخمی ریسکیو اہلکار کو ہر ممکن طبی سہولیات فراہم کی جائیں اور ان کی جلد صحت یابی کے لیے دعا کی۔
انہوں نے دعا کی کہ اللہ تعالیٰ شہدا کو جنت میں اعلیٰ مقام عطا فرمائے اور ان کے اہل خانہ و عزیز و اقارب کو صبر و حوصلہ دے۔
