پاکستان کرکٹ بورڈ نے ایمرجنگ مینز ایشیا کپ کے لیے پاکستان شاہینز کی ٹیم کا اعلان کردیا، شاہینز کی کپتانی وکٹ کیپر بیٹر محمد حارث کے سپرد کر دی گئی ہے۔
پی سی بی کی جانب سے وکٹ کیپر بیٹر محمد حارث کو پی ایس ایل اور انٹرنیشنل کرکٹ میں بہترین کارکردگی دکھانے پر مینز ایمرجنگ ایشیا کپ میں حصہ لینے والی پاکستان شاہینز کی ٹیم کا کپتان مقرر کیا گیا ہے۔
محمد حارث اب تک 5 ون ڈے انٹرنیشنل اور 9 ٹی ٹوئنٹی انٹرنیشنل میچز کھیل چکے ہیں۔
شیڈول کے مطابق ٹورنامنٹ 14 سے23 جولائی تک سری لنکا میں کھیلا جائے گا۔ ٹورنامنٹ میں 8 ٹیمیں شرکت کریں گی اور مجموعی طور پر 15 میچز کھیلے جائیں گے۔
مزید پڑھیں
محمد حارث کی قیادت میں 15 رکنی ٹیم میں عمیر بن یوسف (نائب کپتان)، عماد بٹ، ارشد اقبال، حسیب اللہ، کامران غلام، مہران ممتاز، مبصر خان، محمد وسیم جونیئر، قاسم اکرم، صاحبزادہ فرحان، صائم ایوب، شاہنواز دھانی، سفیان مقیم اور طیب طاہر شامل ہیں۔
📢 Squad announced 📢
Mohammad Haris will captain Pakistan Shaheens in the ACC Men’s Emerging Asia Cup 2023 next month 🏏
Read more ➡️ https://t.co/LGttqrIXTW#BackTheBoysInGreen pic.twitter.com/DkC3TYbgWd
— Pakistan Cricket (@TheRealPCB) June 23, 2023
ریزرو کھلاڑیوں میں عبدالواحد بنگلزئی، محمدعباس آفریدی، محمد جنید اور روحیل نذیر شامل ہیں۔
پاکستان شاہینز کے کھلاڑی 4 جولائی کو نیشنل کرکٹ اکیڈمی لاہور میں لگنے والے کیمپ میں شامل ہوں گے، جس کے بعد ٹیم 12 جولائی کو سری لنکا روانہ ہو گی۔
شیڈول کے مطابق پاکستان شاہینز اپنے ابتدائی میچز 14 جولائی کو نیپال کے ساتھ، 16 جولائی کو بھارت کے ساتھ اور 18 جولائی کو سری لنکا کے ساتھ کھیلے گی۔
