وفاقی وزیر مذہبی امور سردار محمد یوسف کی زیر صدارت حج انتظامات کا جائزہ اجلاس ہوا، جس میں سعودی عرب میں جاری حج انتظامات اور مختلف سہولیات کے حصول کے حوالے سے تفصیلی بریفنگ دی گئی۔
اجلاس میں وفاقی سیکریٹری مذہبی امور ابرار احمد مرزا، ایڈیشنل سیکریٹری اور حج ونگ کے افسران نے شرکت کی، جبکہ سعودی عرب سے ڈائریکٹر جنرل حج عبدالوہاب سومرو، ڈائریکٹر حج مکہ عارف اسلم راؤ اور دیگر افسران نے آن لائن شرکت کی۔
اجلاس کے دوران سعودی عرب میں جاری حج انتظامات اور عازمین حج کے لیے مختلف سہولیات کے حصول پر تفصیلی بریفنگ دی گئی۔
وفاقی وزیر مذہبی امور سردار محمد یوسف نے ہدایت کی کہ سعودی ٹائم لائنز کے مطابق تمام سہولیات کی فراہمی اور انتظامات بروقت مکمل کیے جائیں۔
سردار محمد یوسف نے کہاکہ عازمین حج کو معیاری سہولیات کی فراہمی یقینی بنانے کے لیے تمام وسائل بروئے کار لائے جائیں۔
