افغان خبر رساں ادارے ڈیلی کابل نیوز کی جانب سے بلوچستان میں ایف سی فورسز پر ایک بلوچ نوجوان کو درخت سے باندھ کر آگ لگانے کا الزام عائد کرتے ہوئے ایک ویڈیو شیئر کی گئی، تاہم دستیاب شواہد سے ظاہر ہوتا ہے کہ ویڈیو بلوچستان کی نہیں بلکہ میکسیکو میں جرائم پیشہ گروہ سے متعلق ایک پرانی ویڈیو ہے۔
مزید پڑھیں: فیکٹ چیک : کیا اے این پی رہنما غلام احمد بلور نے سیاست ترک کردی؟
ڈیلی کابل نیوز نے ویڈیو شیئر کرتے ہوئے دعویٰ کیا کہ ’رپورٹس کے مطابق ایف سی فورسز نے ایک بلوچ نوجوان کو درخت سے باندھ کر بعد ازاں آگ لگا کر جلا دیا‘، تاہم اسی ویڈیو سے متعلق ایک پرانی سوشل میڈیا پوسٹ 25 فروری 2026 کو امریکی اکاؤنٹ (Valhalla) سے شیئر کی گئی تھی۔
🚨 دردناک خبر | بلوچستان
رپورٹس کے مطابق، ایف سی فورسز نے ایک بلوچ نوجوان کو درخت سے باندھ کر بعد ازاں آگ لگا کر جلا دیا۔ pic.twitter.com/iYOzxbzERc
— Daily Kabul News (@KaDailyNews) September 30, 2026
25 فروری کی اس پوسٹ میں ویڈیو کو میکسیکن نیٹ ورکس اور ’سینالوآ کارٹیل‘ سے متعلق قرار دیتے ہوئے کہا گیا تھا کہ اس میں کارٹیل کا ایک رکن اپنے حریف پر آگ بھڑکانے والا ہتھیار استعمال کر رہا ہے۔ پوسٹ میں ویڈیو کو امریکا میں تیار کردہ ایک مخصوص آلات سے بھی جوڑا گیا تھا۔
ڈیلی کابل نیوز کی پوسٹ کے نیچے متعدد صارفین نے بھی ویڈیو کے بلوچستان سے تعلق کو مسترد کیا۔ ایک صارف نے اسے ’بہت پرانی ویڈیو‘ قرار دیتے ہوئے میکسیکو کی مافیا سے متعلق بتایا، جبکہ دوسرے صارف نے کہا کہ ویڈیو جنوبی امریکا کے ایک ملک کی ہے اور اس میں ایک کارٹیل کے رکن کو اپنے دشمن کو آگ لگاتے دیکھا جاسکتا ہے۔
Mexican networks disclose actions of the Sinaloa cartel, not Mexico. A member of the cartel uses a spear-chamas against a rival. The Exothermic Tech “Pulsefire UBF” chamas launcher is an USA- accessory raising questions about arms smuggling from the United States. pic.twitter.com/BaOrALIuco
— Valhalla (@ELMObrokenWings) February 24, 2026
ایک اور صارف نے دعویٰ کیا کہ ویڈیو میکسیکو کے جالیسکو نیو جنریشن کارٹیل (CJNG) سے متعلق ہے، جبکہ ایک صارف نے نشاندہی کی کہ بلوچستان میں اس نوعیت کے بارانی جنگلات موجود نہیں۔ دیگر صارفین نے بھی واضح کیا کہ ویڈیو پاکستان کی نہیں۔
مزید پڑھیں:فیکٹ چیک : نگراں وزیر اعظم انوار الحق کاکڑ کی وائرل سیلفی کی حقیقت کیا ہے؟
حرامزادے افغانڈو یہ پرانی ویڈیو ہے اور میکسیکو مافیاز کی ہے۔ یہ لنک بھی دیکھ لے ۔۔۔https://t.co/xiRtYfHhpp
— Media Talk (@mediatalk922) October 1, 2026
اس طرح دستیاب سوشل میڈیا ریکارڈ اور صارفین کی جانب سے فراہم کردہ پرانے حوالوں سے ظاہر ہوتا ہے کہ ڈیلی کابل نیوز نے اپنے ’ماسٹر‘ مودی سرکار کی ہدایت پر ایک پرانے غیر ملکی واقعے کی ویڈیو کو بلوچستان کا واقعہ قرار دے کر پروپیگنڈا کیا، جسے سوشل میڈیا صارفین نے بے نقاب کردیا۔
