جسٹس حسن اظہر رضوی نے وفاقی آئینی عدالت کے قائم مقام چیف جسٹس کے عہدے کا حلف اٹھا لیا ہے۔
حلف برداری کی پروقار تقریب وفاقی آئینی عدالت کے احاطے میں منعقد ہوئی، جہاں جسٹس عامر فاروق نے نئے قائم مقام چیف جسٹس سے ان کے عہدے کا حلف لیا۔
تقریب حلف برداری میں آئینی عدالت کے جج صاحبان، سینئر عدالتی افسران، عملے اور لاء افسران نے بڑی تعداد میں شرکت کی۔
واضح رہے کہ یہ تقرری وفاقی آئینی عدالت کے چیف جسٹس، جسٹس امین الدین خان کے غیر ملکی دورے کے باعث عمل میں آئی ہے۔ چیف جسٹس امین الدین اس وقت آذربائیجان کے سرکاری دورے پر ہیں۔
