سال 2026 بھارتی فلمی صنعت کے لیے کئی دکھ بھری یادیں چھوڑ گیا، جب اداکاری، گلوکاری اور فلم سازی سے وابستہ متعدد نامور شخصیات دنیا سے رخصت ہوگئیں۔ ان فنکاروں نے اپنی صلاحیتوں سے فلمی دنیا میں نمایاں مقام بنایا اور ان کی وفات پر مداحوں کے ساتھ شوبز حلقوں نے بھی افسوس کا اظہار کیا۔
بھارتی میڈیا کے مطابق رواں سال گلوکارہ آشا بھوسلے، اداکار نانا پاٹیکر، پردیپ راوت اور دیگر معروف شخصیات انتقال کرگئیں، جن کی فنی خدمات کو طویل عرصے تک یاد رکھا جائے گا۔
آشا بھوسلے
View this post on Instagram
بھارتی موسیقی کی معروف گلوکارہ آشا بھوسلے 12 اپریل 2026 کو ممبئی کے بریچ کینڈی اسپتال میں 92 برس کی عمر میں انتقال کرگئیں۔ وہ صحت کے مختلف مسائل سے دوچار تھیں۔ آشا بھوسلے نے اپنی آواز سے کئی نسلوں کو متاثر کیا اور بھارتی موسیقی میں نمایاں مقام حاصل کیا۔
نانا پاٹیکر
View this post on Instagram
معروف بھارتی اداکار اور ہدایت کار نانا پاٹیکر 8 اکتوبر 2026 کو ریاست گوا میں اپنی رہائش گاہ پر دل کا دورہ پڑنے سے 75 برس کی عمر میں انتقال کرگئے۔ وہ مراٹھی اور ہندی فلموں کے ساتھ تھیٹر میں بھی اپنی اداکاری کے لیے پہچانے جاتے تھے۔ ان کے مکالمے ادا کرنے کے منفرد انداز اور پیچیدہ کرداروں میں حقیقت کا رنگ بھرنے کی صلاحیت نے انہیں دیگر فنکاروں سے ممتاز کیا۔
پروینا دیش پانڈے
View this post on Instagram
17 فروری 2026 کو 60 برس کی عمر میں کینسر کے باعث انتقال کرگئی تھیں۔ ان کی آخری اسکرین پرفارمنس نیٹ فلکس سیریز ’ٹاسکری: دی اسمگلرز ویب‘ میں تھی۔
پردیپ راوت
View this post on Instagram
فلم ‘غجنی’ میں اداکاری کے باعث شہرت حاصل کرنے والے پردیپ راوت 4 اگست 2026 کو ممبئی میں 74 برس کی عمر میں انتقال کرگئے۔ اطلاعات کے مطابق وہ کئی ماہ سے ممبئی کے کوکیلابین اسپتال میں خون کے سرطان کا علاج کرا رہے تھے۔
پروینا دیش پانڈے
ہندی فلموں اور ٹیلی وژن کی اداکارہ پروینا دیش پانڈے 17 فروری 2026 کو ممبئی میں اپنی رہائش گاہ پر 60 برس کی عمر میں انتقال کرگئیں۔ وہ طویل عرصے سے سرطان کے مرض میں مبتلا تھیں۔ ان کے حالیہ کاموں میں نیٹ فلکس کی سیریز ‘ٹاسکری: دی اسمگلرز ویب’ شامل تھی، جس میں انہوں نے عمران ہاشمی کے ساتھ کام کیا۔
کوکو کوہلی
View this post on Instagram
فلم ساز، ہدایت کار، اداکار اور تدوین کار کوکو کوہلی 25 اگست 2026 کو ممبئی کے کوکیلابین دھیرو بھائی امبانی اسپتال میں 77 برس کی عمر میں انتقال کرگئے۔ انہوں نے 1990 کی دہائی اور 2000 کی دہائی کے ابتدائی برسوں میں ہندی فلمی صنعت میں نمایاں کام کیا۔ ان کی ہدایت کاری میں بننے والی فلم ‘پھول اور کانٹے’ 1991 میں ریلیز ہوئی، جس سے اجے دیوگن نے فلمی دنیا میں قدم رکھا تھا۔
مشتاق خان
View this post on Instagram
معروف معاون اداکار مشتاق خان 24 ستمبر 2026 کو سرطان سے طویل جنگ کے بعد انتقال کرگئے۔ وہ ہندی فلموں میں اپنے مزاحیہ کرداروں، فطری اداکاری اور منفرد انداز کے باعث پہچانے جاتے تھے۔
دیویہ وینیکر
View this post on Instagram
اداکارہ دیویہ وینیکر 20 اکتوبر 2026 کو ممبئی میں 40 برس کی عمر میں انتقال کرگئیں۔ انہوں نے 2022 میں فلم ‘جلسہ’ سے اداکاری کا آغاز کیا، جس میں ودیا بالن اور شیفالی شاہ نے بھی کام کیا۔ اسی سال وہ عالیہ بھٹ کی فلم ‘ڈارلنگز’ میں بھی نظر آئیں، جب کہ 2024 میں فلم ‘کچھ سپنے اپنے’ میں اداکاری کی۔
پرشانت تمنگ
View this post on Instagram
گلوکار اور اداکار پرشانت تمنگ 11 جنوری 2026 کو نئی دہلی کے علاقے دوارکا کے ایک اسپتال میں انتقال کرگئے۔ ان کی عمر 43 برس تھی۔ اطلاعات کے مطابق انہیں نیند کے دوران دل کا دورہ پڑا تھا۔ وہ 4 جنوری کو اپنی 43ویں سالگرہ منا چکے تھے۔
ایس پی وینکٹیش
View this post on Instagram
معروف موسیقار ایس پی وینکٹیش 3 فروری 2026 کو چنئی میں اپنی رہائش گاہ پر انتقال کرگئے۔ ان کی عمر 70 برس تھی اور خیال کیا جاتا ہے کہ ان کی موت دل کا دورہ پڑنے سے ہوئی۔
سنیل تھاپا
View this post on Instagram
نیپالی، ہندی اور بھوجپوری فلموں میں معاون کردار ادا کرنے والے سنیل تھاپا 6 فروری 2026 کو نیپال کے دارالحکومت کھٹمنڈو میں دل کا دورہ پڑنے سے 68 برس کی عمر میں انتقال کرگئے۔ وہ نیپال کے ضلع ڈانگ میں پیدا ہوئے تھے اور 300 سے زائد نیپالی فلموں میں کام کرچکے تھے۔
آنند ساگر
View this post on Instagram
فلموں اور ٹیلی وژن سیریلز کے معروف پروڈیوسر اور ہدایت کار آنند ساگر 13 فروری 2026 کو ممبئی میں 84 برس کی عمر میں انتقال کرگئے۔ وہ کچھ عرصے سے عمر کے باعث صحت کے مسائل کا سامنا کر رہے تھے۔
ایم ایم بیگ
View this post on Instagram
فلم ساز، اداکار اور مصنف ایم ایم بیگ 14 فروری 2026 کو ممبئی میں اپنی رہائش گاہ پر مردہ پائے گئے۔ ان کی عمر 70 برس تھی۔ وہ 1980 کی دہائی کی معروف چائلڈ آرٹسٹ بے بی گڈو کے والد تھے۔
وجے کرشنا
View this post on Instagram
ہندی فلموں اور تھیٹر کے اداکار وجے کرشنا 3 مارچ 2026 کو ممبئی میں اپنی رہائش گاہ پر انتقال کرگئے۔ وہ مہیش دتانی کے ڈرامے ‘ڈانس لائک اے مین’ میں جے راج پاریکھ کا کردار ادا کرنے کے لیے خاص طور پر جانے جاتے تھے۔
مہیندرا بوہرا
معروف مصنف اور فلمی پروڈیوسر مہیندرا بوہرا 4 مارچ 2026 کو ممبئی میں 79 برس کی عمر میں انتقال کرگئے۔ انہوں نے 1975 میں تامل فلم ‘سرسوتی لکشمی پاروتی’ کے ذریعے پروڈکشن کے شعبے میں قدم رکھا، جس کے بعد ہندی فلموں کے لیے بھی کئی منصوبوں پر کام کیا۔ ان کی فلموں میں ‘تیجا’، ‘ٹکر’، ‘ہم تم سے پیار کتنا’ اور ‘مائی پنک شوز’ شامل ہیں۔
View this post on Instagram
رواں سال انتقال کرنے والی دیگر شخصیات میں تامل رائے چودھری، مدھو ملہوترا، بھرت کپور، سُدیش کمار، آر بی چودھری، راماکانت دایاما، سمن کلیان پور، پہلاج نہلانی، بھرتھی راجا، دنیار تیرنداز، فاروق صدیقی، بھاگیاراج، وجے مہتا، ایس جانکی، سنیل آنند، اننیا راج، سوکار جانکی، آشا سنگھ جیسوال، میتھو مکھرجی اور سنگیتھم سرینواسا راؤ بھی شامل ہیں۔ ان فنکاروں نے مختلف ادوار میں بھارتی فلم، موسیقی اور ٹیلی وژن کی صنعت میں اپنی خدمات انجام دیں۔
