بھارتی ریاست ہریانہ کے ایک اسکول میں تیسری جماعت کے 8 سالہ طالب علم نے کم سن بچی کو کلاس روم میں گھسیٹ کر میز پر اس کا سر پٹخا، زمین پر گرا کر لاتیں ماریں اور پھر پتھروں اور گملے سے اس پر پے درپے حملے کیے۔ واقعے کی سی سی ٹی وی فوٹیج سامنے آنے کے بعد علاقے میں تشویش کی لہر دوڑ گئی ہے، جبکہ 6 سالہ بچی اسپتال میں زندگی اور موت کی کشمکش میں ہے۔
بھارتی میڈیا کے مطابق واقعہ 28 اکتوبر کو پنچکولا کے سنسکرتی ماڈل اسکول میں پیش آیا۔ سی سی ٹی وی فوٹیج میں دیکھا جاسکتا ہے کہ کم سن طالبعلم بچی کو گھسیٹ کر کلاس روم میں لاتا ہے، 2 مرتبہ اس کا سر میز پر مارتا ہے اور پھر اسے زمین پر پٹخ کر لاتیں مارنے لگتا ہے۔ اس کے بعد وہ پتھروں اور گملے سے بھی بچی پر مسلسل وار کرتا ہے۔ شدید زخمی ہونے کے بعد بچی بے ہوش ہوگئی، لیکن حملہ آور اسے گھسیٹتا اور لاتیں مارتا رہا۔
This is *horrific* to watch. Did he just brutally murder this poor six-year-old girl??? A poor innocent child with special needs! Where are the school teachers???Where’s the supervision??? And what is this boy learning or seeing at home that’s made him a monster??? What has he…
— Meghna Pant (@MeghnaPant) October 31, 2026
رپورٹ کے مطابق تقریباً ڈیڑھ منٹ بعد لڑکا کلاس روم سے باہر نکلا۔ بچی کے والدین اسکول پہنچے تو مبینہ طور پر اسی لڑکے نے انہیں بتایا کہ ان کی بیٹی کلاس روم میں پڑی ہے۔
والدین بچی کو فوری طور پر سیکٹر 6 کے سول اسپتال لے گئے، جہاں ابتدائی طبی امداد کے بعد تشویشناک حالت کے باعث اسے چندی گڑھ کے پی جی آئی اسپتال منتقل کردیا گیا۔
بچی کے چچا کے مطابق لڑکے نے اس وقت حملہ کیا جب بچی نے اسے اساتذہ سے شکایت کرنے کی بات کہی۔ ان کا دعویٰ ہے کہ لڑکا پہلے بھی جارحانہ رویے کا مظاہرہ کرتا رہا ہے اور کتوں کو مارنے سمیت اس کے خلاف شکایات موجود تھیں۔
یہ بھی پڑھیں:امریکا میں بھارتی نژاد شخص کے ہاتھوں بیوی کا قتل، بھارت فرار ہونے کی کوشش ناکام
پولیس نے واقعے کی تحقیقات شروع کردی ہیں اور لڑکے کے والدین سے بھی پوچھ گچھ کی جارہی ہے۔ ہریانہ کے وزیر تعلیم مہپال ڈھانڈا نے واقعے کی تحقیقات کے لیے کمیٹی قائم کردی ہے اور یقین دہانی کرائی ہے کہ غفلت کے مرتکب افراد کے خلاف کارروائی ہوگی۔
