ایران کا تقریباً 20 لاکھ بیرل خام تیل لے جانے والا ایک آئل ٹینکر ساڑھے 3 ماہ کے سفر کے بعد چین پہنچ گیا ہے۔ ٹینکر ٹریکرز نامی بحری جہازوں کی نقل و حرکت پر نظر رکھنے والے ادارے نے سیٹلائٹ تصاویر کی بنیاد پر جہاز کی چین آمد کی تصدیق کی ہے۔
عرب میڈیا ادارے البوابہ کے مطابق ایرانی ٹینکر آبنائے ہرمز سے روانہ ہوا تھا اور طویل سفر کے بعد بالآخر چین پہنچا۔ یہ پیشرفت ایران اور امریکا کے درمیان سمندری تجارت اور تیل کی برآمدات پر پابندیوں کے تناظر میں سامنے آئی ہے۔
Iranian oil tanker reaches China after 3.5 months at seahttps://t.co/ZnU5wjrvzn
— Al Bawaba News (@AlBawabaEnglish) November 1, 2026
میڈیا رپورٹ کے مطابق ٹینکر ٹریکرز نے سیٹلائٹ تصاویر کے ذریعے جہاز کی چین کی بندرگاہ پر موجودگی کی تصدیق کی ہے۔ ایرانی میڈیا کا کہنا ہے کہ 14 جولائی کو امریکی بحری ناکہ بندی شروع ہونے کے بعد چین پہنچنے والا یہ پہلا ایرانی آئل ٹینکر ہے۔
یہ بھی پڑھیں:امریکی انتخابات سے قبل آبنائے ہرمز کو مکمل طور پر بند کرنے کی ایرانی حکمت عملی کیوں؟
رپورٹس کے مطابق ایران کے لیے چین خام تیل کی بڑی منڈی ہے، تاہم امریکی پابندیوں اور بحری نقل و حمل پر عائد پابندیوں کے باعث ایرانی تیل کی ترسیل کو مشکلات کا سامنا ہے۔
