امریکی ریاست فلوریڈا میں نجی طیارہ رہائشی علاقے میں گر کر تباہ ہوگیا، حادثے کے نتیجے میں طیارے میں سوار تمام 9 افراد ہلاک ہوگئے۔ امریکی محکمہ ٹرانسپورٹ کے حکام نے ہلاکتوں کی تصدیق کردی ہے۔
مزید پڑھیں:فلوریڈا میں قومی پرچم بلند، پاکستان انڈر 18 بیس بال کا چیمپیئن بن گیا، فائنل میں پیراگوئے کو شکست
وفاقی ایوی ایشن انتظامیہ (ایف اے اے) کے مطابق بمبارڈیئر ساختہ لئیر جیٹ 60 نے ٹیکساس کے آسٹن برگسٹروم انٹرنیشنل ایئرپورٹ سے پرواز کی تھی اور اسے بہاماس کے نارتھ ایلیوتھیرا ایئرپورٹ جانا تھا۔ طیارہ پام بیچ کاؤنٹی کے علاقے لیک ورتھ بیچ میں سڑک کے قریب گرا اور زور دار دھماکے سے تباہ ہوگیا۔
فلوریڈا کے گورنر رون ڈی سینٹس نے جائے حادثہ کے قریب پریس کانفرنس میں واقعے کو بڑا سانحہ قرار دیتے ہوئے کہا کہ طیارہ میزائل کی طرح زمین کی طرف آیا اور زوردار دھماکے کے نتیجے میں ملبہ دور دور تک پھیل گیا۔ حادثے کے مقام پر سڑک کے قریب گہرا گڑھا بھی پڑ گیا۔
The private jet that went down just miles from Mar-a-Lago had 9 people on board, according to the FAA.
The plane crashed in a residential area near Cresthaven, Florida.
The aircraft had departed from Austin-Bergstrom International Airport in Texas and was on its way to North Eleuthera Airport in the Bahamas when it crashed.
According to the New York Post, the plane took a “sharp right turn” before nosediving into the ground from about 8,000 feet.
The plane is a $2 million Learjet 60, according to the Post.
Witnesses on the ground say the crash sounded like a missile.
— Collin Rugg (@CollinRugg) November 1, 2026
پام بیچ کاؤنٹی کے حکام کے مطابق حادثے کے بعد علاقے سے قریباً 600 افراد کو محفوظ مقامات پر منتقل کیا گیا، جبکہ متاثرہ شہریوں کے لیے دو پناہ گاہیں قائم کی گئیں۔ حادثے کے وقت علاقے میں شدید بارش اور گرج چمک کے ساتھ طوفان بھی جاری تھا۔
فضائی ٹریفک کنٹرول کی آڈیو ریکارڈنگ کے مطابق حادثے سے قبل پائلٹ نے شدید ہنگامہ خیز فضائی صورتحال اور طیارے پر برف جمنے کا ذکر کیا تھا۔ اس کے کچھ ہی دیر بعد پائلٹ نے ہنگامی پیغام دیتے ہوئے بتایا کہ طیارہ تیزی سے نیچے آرہا ہے اور اس کی رفتارِ نزول 10 ہزار فٹ فی منٹ تک پہنچ گئی ہے۔
ریکارڈنگ کے مطابق پائلٹ نے بعد ازاں طیارے کے ہنگامی حالات میں ہونے کا اعلان کیا اور کہا کہ طیارہ زمین سے ٹکرانے والا ہے۔ آخری لمحات میں کاک پٹ سے یہ الفاظ سنائی دیے کہ اب وقت ختم ہوچکا ہے۔
مزید پڑھیں:امریکی ریاست فلوریڈا میں فائرنگ، کم عمر بچوں سمیت 11 افراد زخمی
پروازوں کی نگرانی کرنے والی ویب سائٹ فلائٹ ریڈار 24 کے مطابق طیارے کے عمودی طور پر نیچے آنے کی رفتار ایک موقع پر 32 ہزار فٹ فی منٹ سے بھی تجاوز کرگئی تھی۔
امریکی نیشنل ٹرانسپورٹیشن سیفٹی بورڈ نے حادثے کی تحقیقات شروع کردی ہیں۔ طیارہ ساز کمپنی بمبارڈیئر نے بھی تحقیقات میں مکمل تعاون کی یقین دہانی کرائی ہے۔
