پاکستان ایئرپورٹس اتھارٹی (پی اے اے) نے اسلام آباد انٹرنیشنل ایئرپورٹ پر رات کے وقت ہنگامی صورتحال سے نمٹنے کی مشق کامیابی سے مکمل کرلی۔ مشق میں فرضی طیارہ حادثے اور آتشزدگی کی صورتحال پیدا کرکے ریسکیو آپریشن کیا گیا۔
مزید پڑھیں:اسلام آباد انٹرنیشنل ایئرپورٹ کا عالمی اعزاز، دبئی انٹرنیشنل ایئرپورٹ کے ہم پلہ قرار
پی اے اے کے مطابق مشق کا مقصد رات کے وقت ہنگامی حالات میں فوری ردعمل، مختلف اداروں کے درمیان رابطے اور باہمی تعاون کی صلاحیتوں کو جانچنا تھا۔ اس دوران بین الاقوامی سول ایوی ایشن آرگنائزیشن کے مقررہ معیارات کے مطابق ایئرپورٹ کی ہنگامی تیاریوں کا بھی جائزہ لیا گیا۔
اسلام آباد انٹرنیشنل ایئرپورٹ پر رات کے وقت ہنگامی مشق کامیابی سے مکمل۔
فرضی طیارہ حادثے اور آتشزدگی کی صورتحال میں ریسکیو آپریشن کی مشق۔
اسلام آباد ایئرپورٹ پر ہنگامی صورتحال سے نمٹنے کی صلاحیتوں کا جائزہ۔ پی اے اے
@KulAalam @javedstringer @MurtazaViews https://t.co/bQMyFAkl7c— Media Talk (@mediatalk922) November 2, 2026
مشق میں پی اے اے کی فائر فائٹنگ ٹیم نے رات کے وقت فوری ردعمل کا مظاہرہ کیا، جبکہ آگ بجھانے، مسافروں کو ریسکیو کرنے اور طبی امداد کی فراہمی کے انتظامات کا عملی جائزہ لیا گیا۔
مزید پڑھیں:اسلام آباد انٹرنیشنل ایئرپورٹ کی آؤٹ سورسنگ کا معاملہ کھٹائی کا شکار
پاکستان ایئرپورٹس اتھارٹی کے مختلف شعبوں نے بھی مشق میں حصہ لیا۔ حکام کے مطابق ہنگامی سرگرمیوں کے دوران شیڈول کے مطابق معمول کی پروازوں کا آپریشن بھی جاری رہا۔
