بھارت کے مشرقی ساحلی علاقوں میں حکام نے پیر کے روز لوگوں کو محفوظ مقامات پر منتقل کرنے کا عمل شروع کر دیا ہے۔
یہ اقدام ایسے وقت میں کیا گیا ہے جب ایک شدید سمندری طوفان کے منگل کو ساحلی علاقوں سے ٹکرانے کا خدشہ ہے، جبکہ یہ خطہ گزشتہ ہفتے آنے والے تباہ کن طوفان کے اثرات سے ابھی مکمل طور پر باہر نہیں نکل سکا۔
یہ بھی پڑھیں: سمندری طوفان ارنب بھارتی ساحل سے ٹکرا گیا، آندھرا پردیش اور اڑیسہ میں شدید بارشیں
سمندری طوفان ’موراسو‘ کی شدت گزشتہ ہفتے آنے والے طوفان ’ارنب‘ کے مقابلے میں کم رہنے کی توقع ہے، جس کے نتیجے میں 6 افراد ہلاک ہوئے تھے، جبکہ درجنوں مکانات اور فصلیں تباہ ہو گئی تھیں۔
بھارتی محکمہ موسمیات نے پیش گوئی کی ہے کہ طوفان موراسو منگل کی علی الصبح ساحل سے ٹکرائے گا۔
VIDEO | Andhra Pradesh: Heavy rainfall lashes Tirumala and surrounding areas amid warnings over Cyclone Murasu.
The India Meteorological Department (IMD), in its latest bulletin, said that severe cyclonic storm Murasu was moving at a speed of 25 kmph and lay centred around 200… pic.twitter.com/QPvLUfHHFN
— Press Trust of India (@PTI_News) November 2, 2026
آندھرا پردیش اسٹیٹ ڈیزاسٹر مینجمنٹ اتھارٹی کے مینیجنگ ڈائریکٹر پراکھر جین کے مطابق، اب تک تقریباً 2 ہزار افراد کو محفوظ مقامات پر منتقل کیا جا چکا ہے اور یہ عمل جاری ہے۔
ان کے مطابق حکام کا منصوبہ ہے کہ مجموعی طور پر تقریباً 30 ہزار افراد کو محفوظ مقامات پر منتقل کیا جائے۔
🌀 #CycloneMurasu over the Bay of Bengal: Coastal Andhra faces the main threat, with heavy rain possible in #TamilNadu & South #Odisha . Kavali landfall is an alternative scenario, #WeatherUpdate #ChennaiRains #WeatherAlert #Andhrapradesh pic.twitter.com/aFpUEWiGpD
— ✪ 𝕀ℕ𝔻𝕀𝔸ℕ 𝔽𝕆ℝ𝔼ℂ𝔸𝕊𝕋𝔼ℝ ✪ 🌩️ (@jackson10755839) November 2, 2026
طوفان خلیج بنگال میں تشکیل پایا ہے، جو سمندری طوفانوں کی سرگرمیوں کے حوالے سے ایک اہم خطہ ہے اور ماضی میں بھارت کے مشرقی ساحلی علاقوں میں کئی تباہ کن طوفانوں کا سبب بن چکا ہے۔
بھارتی محکمہ موسمیات کے مطابق جنوب مشرقی ساحل پر واقع ریاستوں تامل ناڈو اور آندھرا پردیش میں طوفان کے شدید اثرات مرتب ہونے کا خدشہ ہے۔
