حیدرآباد کے بعد پشاور میں بھی سڑک کے بیچوں بیچ بجلی کے کھمبے، ویڈیو وائرل

حیدرآباد کے بعد پشاور میں بھی سڑک کے عین درمیان نصب بجلی کے کھمبوں کی ویڈیو سوشل میڈیا پر وائرل ہوگئی جس کے بعد ترقیاتی منصوبوں کی منصوبہ بندی اور انجینئرنگ کے معیار پر سوالات اٹھنے لگے۔

وائرل ویڈیو میں دیکھا جاسکتا ہے کہ بجلی کے کھمبے سڑک کے درمیان موجود ہیں جو موٹر سائیکل سواروں اور گاڑیوں کے لیے ممکنہ حادثات کا سبب بن سکتے ہیں۔

پشاور میں موٹر سائیکل اور گاڑیاں چلانے والے حضرات احتیاط کریں
بجلی کے یہ کھمبے بیچ سڑک میں ہیں جو خدانخواستہ کسی سانحہ کا سبب بن سکتی ہیں pic.twitter.com/UVCfq8rl4G

— Irfan Khan (@irfijournalist) November 2, 2026

ویڈیو سامنے آنے کے بعد سوشل میڈیا صارفین نے حیرت اور تشویش کا اظہار کرتے ہوئے پشاور میں سفر کرنے والے شہریوں، بالخصوص موٹر سائیکل سواروں اور ڈرائیوروں کو احتیاط برتنے کی ہدایت کی ہے۔

صارفین کا کہنا ہے کہ سڑک کے درمیان بجلی کے کھمبوں کی موجودگی کسی بڑے حادثے کا سبب بن سکتی ہے اس لیے متعلقہ حکام کو فوری نوٹس لیتے ہوئے ان کھمبوں کی منتقلی اور شہریوں کی حفاظت کے لیے اقدامات کرنے چاہئیں۔