خیبرپختونخوا میں تبادلوں اور تقرریوں کے نام پر اربوں روپے کی مبینہ کرپشن، ثمر ہارون بلور کے اہم انکشافات

پیر 2 نومبر 2026
icon-facebook icon-twitter icon-whatsapp

گورنر خیبرپختونخوا کی مشیر اطلاعات ثمر ہارون بلور نے وزیراعلیٰ سہیل آفریدی کے قریبی ساتھی حادی پتنگ پر سرکاری تقرریوں، تبادلوں اور مختلف کاموں کے عوض اربوں روپے کی مبینہ کرپشن کا الزام عائد کرتے ہوئے دعویٰ کیا ہے کہ ہر کام کے لیے باقاعدہ نرخ مقرر تھے اور افسران کے تبادلوں کے بدلے کروڑوں روپے وصول کیے جاتے رہے۔ ان کے مطابق حادی پتنگ مبینہ طور پر ملک سے فرار ہو چکے ہیں، جن کی واپسی کے لیے متعلقہ ملک کی حکومت اور انٹرپول سے رابطے کیے گئے ہیں۔

نجی ٹی وی سے گفتگو کرتے ہوئے ثمر ہارون بلور نے خیبرپختونخوا میں سرکاری محکموں کی کارکردگی اور مالی معاملات پر سنگین سوالات اٹھائے۔

انہوں نے کہا کہ وزیراعلیٰ سہیل آفریدی کے قریبی ساتھی حادی پتنگ نے سرکاری تقرریوں، تبادلوں اور دیگر امور کے لیے مبینہ طور پر باقاعدہ منڈی قائم کر رکھی تھی۔ ہر کام کی الگ قیمت مقرر تھی اور اسی مبینہ ریٹ لسٹ کے مطابق اربوں روپے وصول کیے گئے۔

ثمر ہارون بلور کے مطابق صوبے میں بعض افسران کے تبادلے صرف 2 ہفتوں کے وقفے سے کیے جاتے رہے اور ہر تبادلے کے عوض کروڑوں روپے وصول کیے گئے۔ انہوں نے اس صورتحال کو خیبرپختونخوا کے ساتھ کھلواڑ قرار دیا۔

گورنر کی مشیر اطلاعات نے کہا کہ اربوں روپے کی مبینہ کرپشن کے بعد حادی پتنگ ملک سے فرار ہو گئے ہیں۔

انہوں نے بتایا کہ ان کی وطن واپسی کے لیے متعلقہ ملک کی حکومت کے ساتھ قانونی سطح پر رابطے کیے جا رہے ہیں، جبکہ انٹرپول سے بھی رجوع کیا گیا ہے۔

ثمر ہارون بلور کے مطابق ملک سے مبینہ طور پر لوٹی گئی دولت واپس لانے کے لیے بھی کوششیں جاری ہیں۔

صوبے کی مالی صورتحال پر بات کرتے ہوئے ثمر ہارون بلور نے کہا کہ خیبرپختونخوا میں تحصیل میونسپل ایڈمنسٹریشنز (ٹی ایم ایز)، جامعات اور اسپتالوں کے پاس ملازمین کی تنخواہوں کی ادائیگی کے لیے بھی رقم موجود نہیں۔

انہوں نے کہا کہ نرسنگ اسٹاف اور پروفیسرز کی تنخواہوں کے لیے فنڈز دستیاب نہیں، جبکہ دوسری جانب مختلف سرکاری محکموں میں مالی بے ضابطگیوں کے معاملات سامنے آ رہے ہیں۔

ان کے مطابق صحت اور معدنیات سمیت متعدد محکموں میں مبینہ بے ضابطگیوں کی نشاندہی ہوئی ہے اور جس محکمے کے معاملات کی چھان بین کی جاتی ہے، وہاں بے ضابطگیاں سامنے آتی ہیں۔

ثمر ہارون بلور نے بتایا کہ مختلف محکموں کے مشیر اپنے اپنے شعبوں سے متعلق تحقیقات مکمل کر رہے ہیں اور ان کے نتائج عوام کے سامنے رکھے جائیں گے۔

انہوں نے کہا کہ تحقیقات مکمل ہونے کے بعد جن افراد کی ذمہ داری ثابت ہوگی، ان کے خلاف قانون کے مطابق کارروائی کی جائے گی۔

ملکی سلامتی سے متعلق گفتگو کرتے ہوئے ثمر ہارون بلور نے کہا کہ پاکستان کی سلامتی پر کسی قسم کا سمجھوتہ نہیں کیا جائے گا۔

انہوں نے خبردار کیا کہ پاکستانی آبادی کو نشانہ بنانے کی کسی بھی کارروائی کا جواب 10 گنا شدت سے دیا جائے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

پی ایل ایل نے ایل این جی خریداری کے لیے بولیاں جمع کرانے کی تاریخ میں 4 روز کی توسیع کر دی

شہزادہ ہیری کی سسرالی فیملی میں نیا تنازع، میگھن مارکل کے والد سنگین الزامات کے تحت گرفتار

پاکستان اور سوڈان کا سیکیورٹی اور سائبر کرائم سمیت متعدد شعبوں میں تعاون بڑھانے پر اتفاق

بھارت: اپوزیشن رکن پارلیمان پر قاتلانہ حملہ، بی جے پی ذمہ دار قرار، ابھیشیک بینرجی کی عدلیہ اور پولیس پر سخت تنقید

ایران جوہری پروگرام پر بات چیت کے لیے آمادہ، امریکا سے امن معاہدے کی کوششیں تیز، قشم پر دو میزائل حملے

ویڈیو

اسموگ کے خاتمے کے لیے لاہور میں اینٹی اسموگ گنز کا دائرہ وسیع، لاک ڈاؤن کا کوئی منصوبہ نہیں

ترقی کے سفر میں لیہ کب شامل ہوگا؟ شہری بڑے ترقیاتی منصوبوں کے منتظر

10 روپے کا نوٹ بند ہونے سے شادیوں کی رونق اور محنت کشوں کی آمدن متاثر ہونے کا خدشہ

کالم / تجزیہ

امریکی الیکشن جو ریفرنڈم بن گیا

تحریک انصاف، جے یو آئی اور جماعت اسلامی: ایک سماجی مطالعہ

نئے صوبے کس کی اجارہ داری توڑیں گے؟