معروف ٹک ٹاکر انصار عرف مسٹر پتلو کی گرفتاری سے متعلق خبریں سوشل میڈیا پر گردش کر رہی ہیں، دعویٰ کیا جا رہا ہے کہ اسلام آباد کے علاقے گلبرگ میں پولیس نے چھاپہ مار کارروائی کے دوران انہیں گرفتار کر لیا گیا ہے۔
دوسری جانب وزیرِ اطلاعات پنجاب عظمیٰ بخاری نے گرفتاری کی تصدیق کرنے سے گریز کرتے ہوئے کہا ہے کہ وہ فی الحال اس حوالے سے حتمی طور پر کچھ نہیں کہہ سکتیں۔
مسٹر پتلو کی گرفتاری کی خبر کو ابھی کنفرم نہیں کر سکتی، اس کوتاہی پر ابھی ان کے خلاف ایف آئی آر ہوئی ہے 7 لوگ گرفتار ہیں 2 لوگوں کی تلاش جاری ہے، ایک unfortunate واقع ہے ان کے خلاف کاروائی ہو گی اور عدالت کے سامنے پیش بھی کیا جائے گا، عظمیٰ بخاری pic.twitter.com/nkTklrjSbL
— Ali Tanoli (@alitanoli889) November 3, 2026
عظمیٰ بخاری نے واقعے سے متعلق تفصیلات بتاتے ہوئے کہا کہ کوتاہی کے معاملے پر مقدمہ درج کر لیا گیا ہے۔ اب تک 7 افراد کو گرفتار کیا جا چکا ہے جبکہ مزید 2 افراد کی تلاش جاری ہے۔
وزیرِ اطلاعات پنجاب نے واقعے کو افسوسناک قرار دیتے ہوئے واضح کیا کہ اس میں ذمہ دار پائے جانے والے افراد کے خلاف قانون کے مطابق کارروائی کی جائے گی اور انہیں عدالت کے سامنے بھی پیش کیا جائے گا۔
یہ بھی پڑھیں: ’دل کرتا ہے خودکشی کر لوں، یہ میری آخری ویڈیو ہوسکتی ہے‘، مسٹر پتلو کی رو رو کر فیلڈ مارشل اور مریم نواز سے اپیل
انہوں نے کہا کہ واقعے میں غفلت کے مرتکب افراد کو جواب دہ ہونا پڑے گا اور کسی کو بھی قانونی کارروائی سے استثنیٰ حاصل نہیں ہوگا۔
واضح رہے کہ سوشل میڈیا پر مسٹر پتلو کی گرفتاری سے متعلق خبریں زیرِ گردش ہیں تاہم عظمیٰ بخاری کے بیان کے مطابق تاحال ان کی گرفتاری کی باضابطہ تصدیق نہیں کی جا سکی۔
