فیس بک، انسٹاگرام اور واٹس ایپ کی مرکزی کمپنی میٹا نے اپنا دائرہ کار بڑھاتے ہوئے ٹوئٹر کا متبادل تھریڈز تیار کر لیا۔
میٹا کا یہ ٹوئٹر متبادل جمعرات کو امریکا میں اور جمعہ کو باقی دنیا کے لیے جاری کیا جائے گا۔
BREAKING: Meta's Twitter alternative, Threads, will be released on Thursday in the United States and on Friday for the rest of the world.
— The Spectator Index (@spectatorindex) July 3, 2023
اس ایپلی کیشن کا مرکزی مقصد ٹوئٹر سے مایوس ہونے والے افراد کو اپنی جانب متوجہ کرنا ہے۔
اس ایپ کی خاص بات یہ ہے کہ میٹا نے اسے انسٹاگرام سے منسلک کیا ہے اور ممکنہ طور پر صارفین انسٹاگرام پر موجود اپنے فالوورز کو نئے پلیٹ فارم پر منتقل کر سکیں گے۔
صارفین کے لیے انسٹاگرام کے مواد کو نئی ایپلی کیشن پر شیئر کرنے کے سہولت بھی میسر ہو گی۔
اس ایپلی کیشن کے متعارف کرائے جانے کی خبر کے ساتھ ہی سماجی رابطوں کی سائیٹ ٹوئٹر پر صارفین کی جانب سے مختلف تبصرے کیے گئے۔
مزید پڑھیں
سکندر اعظم خان نامی صارف نے سوشل میڈیا نیٹ ورک ٹوئیٹر کے مالک کوتنقید کا نشانہ بناتے ہوئے لکھا کہ ایلون مسک نے ٹویٹر پر بہت گڑ بڑ کر دی ہے اور اس کا منصوبہ بالآخر پلیٹ فارم کو تباہ کرنا تھا۔ ان کا مزید کہنا تھا کہ میٹا کا یہ تھریڈ ضرور کامیاب ہو گا کیونکہ زیادہ تر لوگ ٹوئٹر متبادل کی تلاش میں ہیں۔
As elon has made a huge mess of twitter and he keeps on doing that as if his plan was to eventually destroy the platform, for sure meta’s thread will be a success as most of the people are looking for an alternative
— Sikandar Azam Khan Alizai (@SAKAlizai) July 4, 2023
ایک صارف نے لکھا کہ یہ دیکھنا بہت دلچسپ ہو گا کہ ان کی آپس کی لڑائی اب کون جیتے گا، ٹوئٹر کے مالک ایلون مسک یا فیس بک کے بانی مارک زکر برگ۔
It will be very interesting 🤨. Who is going to win this fight between @elonmusk and mark zuckerberg
— Arshad Khan Tanoli (@Arshadkhan_ofcl) July 4, 2023
فیس بک کی جانب سے ٹوئٹر کی متبادل ایپ متعارف کرانے پر ایک صارف نے تنقید کرتے ہوئے لکھا کہ ایک سوچے سمجھے منصوبے کے تحت انسٹاگرام کی تمام زہریلی چیزیں اب ٹوئٹر کے انٹر فیس میں شامل ہو گئی ہیں، یہ ایک ڈراؤنا خواب ہے جو سچ ثابت ہو رہا ہے۔
All of the toxicity of Instagram combined with the thought police of Facebook rolled up into the interface of Twitter. A nightmare come true! https://t.co/7NQYDtHNnj
— Kyle Becker (@kylenabecker) July 4, 2023
صارفین کی جانب سے نئے پلیٹ فارم کو سراہا بھی جا رہا ہے ، بعض صارفین کا کہنا ہے کہ فیس بک کی جانب سے متعارف کرایا گیا ٹوئٹر کا یہ متبادل بہت فائدہ مند ثابت ہو گا کیونکہ صارفین اپنی خواہشات کے عین مطابق فیصلے بھی کر سکیں گے۔
It would be advantageous to have a substitute for Twitter due to the presence of a platform lord who holds control and makes decisions based on their own desires and caprices. #threads https://t.co/qMBa7YV6eg
— Mangoman (@mangomanspeak) July 4, 2023
چند صارفین ایسے بھی ہیں جو سوشل میڈیا کے بڑھتے ہوئے رجحان سے پریشان نظر آتے ہیں ایسے ہی ایک صارف نے لکھا کہ بس وہی جو دنیا کو چاہیے، مزید سوشل میڈیا۔
Just what the world needs. More social media. https://t.co/Y2La6J5Ful
— Joe Bonamassa (Official) (@JBONAMASSA) July 4, 2023
واضح رہے کہ مائیکرو بلاگنگ سائٹ ٹوئٹر کا انتظام ایلون مسک کی جانب سے سنبھالے جانے کے بعد اس میں متعدد تبدیلیاں کی گئیں جس پر اکثر صارفین نا خوش اور ایلون مسک پر تنقید کرتے نظر آتے تھے۔ اور اس لیے فیس بک نے ٹوئٹر کو ٹکر دینے کے لیے دسمبر 2022 میں ہی متبادل پلیٹ فارم کی تیاری پر کام شروع کردیا تھا۔
