شمالی وزیرستان کے ضلع میران شاہ میں خود کش دھماکا ہوا ہے جس کے نیتجے میں 3 سیکیورٹی اہلکار شہید ہو گئے ہیں جبکہ 3 شہری بھی شدید زخمی ہیں۔
پاک فوج کے شعبہ تعلقات عامہ آئی ایس پی آر کے مطابق خود کش بمبار کار پر سوار تھا اور سیکیورٹی فورسز کی چوکی کو نشانہ بنانا چاہتا تھا مگر ڈیوٹی پر تعینات جوانوں نے بروقت کارروائی کر کے بڑی تباہی سے بچا لیا۔
آئی ایس پی آر نے بتایا کہ شہید ہونے والوں میں نائب صوبیدار صاحب خان، نائیک محمد ابراہیم اور سپاہی جہانگیر شامل ہیں۔
ڈی جی آئی ایس پی آر نے کہا کہ سیکیورٹی فورسز دہشت گردی کی لعنت کے خاتمے کے لیے پر عزم ہیں۔ ایسی کارروائیاں ہمارے عزم کو مزید مضبوط کر تی ہیں۔
