قومی کرکٹر حارث رؤف شادی کے بندھن میں بندھ گئے۔
کرکٹ ٹیم کے دیگر کھلاڑی حارث رؤف کی شادی میں شرکت نہ کر سکے کیونکہ وہ کراچی میں سری لنکا کے دورے کے لیے تربیتی کیمپ میں مصروف تھے۔ اور خراب موسم کی وجہ سے پی سی بی نے کھلاڑیوں کو اسلام آباد روانہ ہونے کی اجازت نہ دی۔
کھلاڑیوں نے سوشل میڈیا کے ذریعے ہی حارث رؤف کو شادی کی مبارکباد دے دی۔ فاسٹ باؤلر شاہین شاہ آفریدی نے سماجی رابطے کے پلیٹ فارم ’ ٹوئٹر‘ پر ایک ویڈیو شیئر کی جس میں وہ دیگر کھلاڑیوں کے ساتھ کہتے نظر آتے ہیں: ہیری! شادی مبارک ہو۔
Harry – Shaadi Mubarak! 🎆@HarisRauf14 pic.twitter.com/BARiTPoa1H
— Shaheen Shah Afridi (@iShaheenAfridi) July 7, 2023
یہ ویڈیو سوشل میڈیا پر وائرل ہوئی اور پھر صارفین کی جانب سے دلچسپ تبصروں کا سلسلہ شروع ہو گیا۔ کسی نے حارث کو شادی کی مبارک دی تو کسی نے ورلڈ کپ جیت کر ایسی ہی ویڈیو بنانے کی فرمائش کر ڈالی۔
عائشہ افضل نامی صارف لکھتی ہیں کہ میں اس دن کا انتظار کر رہی ہوں جب شاہین شاہ آفریدی اسی طرح کی ویڈیو بناتے ہوئے کہیں گے ’ ورلڈ کپ 2023 کی جیت مبارک ہو پاکستانیو‘۔
I'm waiting for the day when Shaheen Bhai make a vedio like this and say " #WorldCup2023 ki Jeet Mubarak ho Pakistaniyon" 😁❤️@iShaheenAfridi https://t.co/8QZTGMsPyy
— 𝑨𝒚𝒆𝑺𝒉𝒂 𝑨𝒇𝒛𝒂𝒂𝒍 ❤️🇵🇰 (@29AyeShadab07) July 7, 2023
ایک صارف نے لکھا ہیری! آپ کے ساتھ بہت اچھا ہوا، کیونکہ آپ نے شاہین شاہ آفریدی کے نکاح میں شرکت نہیں کی تھی اور ویڈیو کے ذریعے مبارکباد دی تھی۔ ’جیسا کرو گے ویسا بھرو گے‘۔
This video is soo cute❤️
(and Harry acha huya ap k sath🥱. tit for tat. Apne Shaheen ka miss kiya tha & just video diya tha😒) https://t.co/hYDix06QwL— 𝓜𝓪𝓱𝓲 (@TasniMahi) July 7, 2023
کرکٹ کے لیے پُرجوش عالم نامی صارف حارث رؤف کے لیے بنائی گئی مبارکباد ویڈیو پر تبصرہ کرتے ہوئے لکھتے ہیں کہ وہ سب تو ٹھیک ہے لیکن اس بار ایشیا کپ اور ورلڈ کپ ضرور جیت لینا۔
Wo sb tou theek hai lkn is bar Asia Cup aur World Cup jeet lena please 🥹 https://t.co/YP0WKuGUHn
— Alam (@Alam_Strikes) July 7, 2023
ایک صارف نے کہا کہ ان کھلاڑیوں کو ویڈیو پر مبارکباد دینے کی بجائے حارث رؤف کی شادی میں شریک ہونا چاہیے تھا۔
Wahan hona chahiye tha sab ko!😭😭 https://t.co/9eOodqEphY
— ع🫶🏻 (@thepctstan) July 7, 2023
واضح رہے پاکستانی کرکٹ ٹیم کل براستہ دبئی کولمبو روانہ ہو گی اور کھلاڑی آج شاہد آفریدی کی صاحبزادی کی شادی میں شرکت کریں گے۔
