شوہر کو کچن کے کاموں میں بیوی کا ہاتھ بٹانا چاہیے، اداکار نعمان اعجاز

پاکستان  کے سینئر ترین اداکاروں میں شمار ہونے والے اداکار نعمان اعجاز گھر میں برتن دھوتے ہوئے دیکھے گئے ہیں۔

سوشل میڈیا پر وائرل ہونے والی ویڈیو میں دیکھا جا سکتا ہے کہ اداکار نعمان اعجاز برتن دھو رہے ہیں۔

 ویڈیو میں دیکھا جا سکتا ہے کہ نعمان اعجاز کی اہلیہ ان سے پوچھ رہی ہیں کہ کیا ہو رہا ہے جس کے جواب میں نعمان اعجاز نے کہا کہ  کچھ نہیں۔

نعمان اعجاز نے نے اہلیہ کو جواب میں کہا کہ ماں نے یہ سوچ کر شادی کروائی تھی کہ بیگم سارے کام کرے گی لیکن آج میری ماں زندہ ہوتی تو  اسے کتنی تکلیف ہوتی کہ ان کا لیجنڈ بچہ برتن دھو رہا ہے۔

اداکار کی یہ بات سن کر ان کی اہلیہ ہنس پڑ یں لیکن اس دوران نعمان اعجاز نے یہ بھی کہا کہ اس میں کوئی حرج نہیں، مردکو اپنی بیوی کے ساتھ کچن کے کاموں میں برابر کا ہاتھ بٹانا چاہیے۔

نعمان اعجاز پاکستان سے تعلق رکھنے والے ٹیلیوژن اور فلمی اداکار ہیں۔ وہ 14 فروری 1965 کو لاہور میں پیدا ہوئے۔ وہ  پاکستان کے سینیئر ترین اداکاروں میں سے ایک ہیں۔ ان کو شہرت ڈراموں میں اداکاری سے ملی۔