ڈیرہ مراد جمالی میں پانچ بچوں کی ماں پر شوہر کی بہیمانہ تشدد اور تذلیل، شوہر نے بیوی کے سر کے بال مونڈھ کر جسم کے نازک عضووں کو جلا دیا۔
ڈیرہ مراد جمالی چکھڑا محلہ میں آدم خان چکھڑا نامی شخص نے اپنی بیوی ’طاہرہ بی بی‘ کو، جو پانچ بچوں کی ماں ہے، گھر کے کمرے میں بند کرکے بہیمانہ تشدد کا نشانہ بنایا۔
ملزم نے پہلے بیوی کے سر کے بال مونڈھ دیے اور پھر جسم کے نازک حصوں کو سگریٹ اور گرم لوہے سے داغ دیا۔ شوہر کے تشدد کے باعث خاتون کی حالت غیر ہوگئی۔
اطلاع ملنے پر متاثرہ خاتون کے والد امان اللہ سیال نے بیٹی کو تشویشناک حالت میں ڈیرہ مراد جمالی اسپتال منتقل کر دیا۔جہاں خاتون کو طبی امداد دی گئی۔ ابھی علاج کا سلسلہ جاری ہے۔
سٹی تھانہ ڈیرہ مراد جمالی پولیس نے تشدد کا شکار خاتون طاہرہ بی بی کے والد امان اللہ سیال کی مدعیت میں ملزم شوہر آدم خان ولد مولوی اسحاق چکھڑا کے خلاف 337 اے اور 337 وی کے دفعات کے تحت مقدمہ درج کرکے مزید تفتیش شروع کر دی ہے۔
