سری لنکا میں کھیلے جانے والے ایشیا کرکٹ کونسل (اے سی سی ) ایمرجنگ ایشیا کپ کے فائنل میں پاکستان اے نے بھارت کو جیت کے لیے 353 رنز کا ہدف دیا ہے۔
مڈل آرڈر بلے باز طیب طاہر کی شاندار سنچری کی بدولت پاکستان پہلے بیٹنگ کرتے ہوئے ایک بڑا اسکور کرنے میں کامیاب ہو گیا۔
پاکستان ایک وقت صرف 187 رنز پر 5 وکٹوں کے نقصان پر غیر یقینی کی صورتحال سے دو چار ہو گیا تھا لیکن طیب طاہر نے بھارتی بولرز کی ایک نا چلنے دی اور 12 چوکے اور 4 چھکوں کی مدد سے صرف 71 گیندوں پر 108 رنز بنا ڈالے۔ ان کا اسٹرائیک ریٹ 152.11 رہا ۔
Tayyab Tahir's belligerent ton and fifties from the opening duo power Pakistan Shaheens to 3️⃣5️⃣2️⃣-8️⃣ 🏏#ACCMensEmergingTeamsAsiaCup | #BackTheBoysInGreen pic.twitter.com/4B1HbD2gs3
— Pakistan Cricket (@TheRealPCB) July 23, 2023
پاکستان کی جانب سے صاحبزادہ فرحان نے 62 گیندوں پر 65 اور صائم ایوب نے 51 گیندوں پر 59 رنز بنائے، انہوں نے پہلی وکٹ کی شراکت میں 121 رنز بنائے تاہم بھارت بولرز نے درمیانی اوورز میں پاکستان کی تیزی سے وکٹیں گرانا شروع کر دیں۔
پاکستانی بلے باز طیب طاہر نے مبشر خان جنہوں نے 35 رنز بنائے کے ساتھ مل کر 98 گیندوں پر چھٹی وکٹ کی شراکت میں 126 رنز کا اضافہ کیا۔
6️⃣6️⃣-ball century for Tayyab Tahir! 💪
This has been a sensational innings by the right-handed batter as he hits his 4️⃣th List A 💯 #ACCMensEmergingTeamsAsiaCup | #BackTheBoysInGreen pic.twitter.com/3qEhF0Of86
— Pakistan Cricket (@TheRealPCB) July 23, 2023
بھارت کی جانب سے راج وردھن ہنگرگیکر اور ریان پراگ نے 2، 2 وکٹیں حاصل کیں۔ اس سے قبل انڈیا اے نے پاکستان اے کے خلاف ٹاس جیت کر پہلے بولنگ کا فیصلہ کیا۔
بھارت سیمی فائنل کھیلنے والی ٹیم ہی ہے اس میں کوئی تبدیلی نہیں کی گئی تاہم پاکستان نے ایک تبدیلی کی ہے جس میں عماد بٹ کی جگہ مہران ممتاز کو شامل کیا گیا ہے۔
Pakistan captain @babarazam258 gives a pep talk to the Shaheens side ahead of the #ACCMensEmergingTeamsAsiaCup final 🇵🇰 pic.twitter.com/CVJUim0ZBb
— Pakistan Cricket (@TheRealPCB) July 22, 2023
واضح رہے کہ جمعہ کو ایمرجنگ ایشیا کپ کے دوسرے سیمی فائنل میں بھارت اے نے بنگلہ دیش اے کو 51 رنز سے شکست دی تھی۔
بھارتی ٹیم میں بی سائی سدھارسن، ابھیشیک شرما، نکین جوس، یش دھول (کپتان)، ریان پراگ، نشانت سندھو، دھرو جوریل (وکٹ کیپر)، مانو ستھر، یوراج سنگھ ڈوڈیا، ہرشت رانا اور راج وردھن ہنگرگیکر شامل ہیں
جب کہ پاکستان اےکی ٹیم میں صائم ایوب، صاحبزادہ فرحان، عمیر یوسف، طیب طاہر، قاسم اکرم، محمد حارث (کپتان)، مبشر خان، مہران ممتاز، محمد وسیم، ارشد اقبال، سفیان مقیم شامل ہیں۔
