ہالی ووڈ کی معروف اداکارہ لِنڈسے لوہان نے دوران حمل اپنے اندر پیدا ہونے والی تبدیلیوں اور خواہشات خصوصاً کھانے سے متعلق دلچسپ انکشافات کیے ہیں اور کہا ہے کہ جب وہ پہلی بار’اُمید‘ سے ہوئیں تو انہوں نے وہ کچھ بھی کھایا جو انہوں نے کھانا تو دور، کبھی پسند تک نہیں کیا تھا۔
دبئی کے ایک جریدے نے لِنڈسے لوہان سے متعلق ایک رپورٹ شائع کی ہے جس کے مطابق ’دی پیرنٹ ٹریپ‘ فلم سے مشہور ہونے والی فلم سٹارلِنڈسے لوہان اور ان کے شوہر بدر شمس کا ہاں رواں ماہ کے اوائل میں بیٹا ’لوئی‘ پیدا ہوا تو انہوں نے اس کی پیدائش سے قبل اپنے اندر آنے والی تبدیلوں اور خواہشات خصوصاً اپنی غذا سے متعلق عجیب و غریب انکشافات کیے ہیں۔
لِنڈسے لوہان کا کہنا ہے کہ جب وہ پہلی بار اُمید سے ہوئیں تو انہیں’چکن’ اور ‘چقندر’ بہت پسند تھے۔ انہوں نے کہا ‘میں کبھی بھی سافٹ ڈرنگ ’گیٹوریڈ‘ نہیں پیتی تھی، لیکن جب میں ’اُمید سے ‘ ہوئی تو گیٹوریڈ کو ترستی تھی۔
انہوں نے کہا کہ یہ مجھے ایسی چیزوں کی خواہش ہونا جو میرے لیے کبھی پسندیدہ ہی نہیں رہیں، ایک عجیب بات تھی۔ حتیٰ کہ میں چائے بھی کبھی نہیں پی نا ہی اس کی کبھی خواہش کی، کھبی ڈھندے دودھ کا ایک کپ بھی نہیں لیا۔ لیکن ’اُمید‘ سے ہونے کے بعد مجھے ان سب کی بہت طلب ہوئی۔
لِنڈسے لوہان نے میگزین کو بتایا کہ میں جنک فوڈ کھانے کوئی دلدادہ نہیں ہوں لیکن اُمید سے ہونے کے بعد مجھے اسٹرابیری پاپ-ٹارٹس کی بہت خواہش ہوتی تھی۔ مجھے ہر وقت چقندر کھانے کی خواہش رہتی۔ میرا من کرتا تھا کہ میرے پاس بہت سارا چکن اور چقندر ہوں۔
لِنڈسے لوہان نے اپنے لباس کے بارے میں بھی دلچسپ بات بتائی کہ اکثر خواتین ’امُید‘ سے ہونے کے بعد خود چھپاتی ہیں یا ایسے کپڑے پہنتی ہیں جن سے ان کے جسم میں آنے والی تبدیلی محسوس نہ ہو لیکن لِنڈسے لوہان کے خیالات اس سب کے برعکس ہیں۔
لِنڈسے لوہان کا کہنا ہے کہ انہوں نے وہی لباس حمل کے دوران بھی پہنا جو وہ عام زندگی میں پہنا کرتی تھیں۔ لِنڈسے لوہان کا کہنا تھا کہ وہ بچے کی پیدائش کے بعد اب کچھ نیا پہننے کی خواہش رکھتی ہیں ۔
واضح رہے کہ لِنڈسے لوہان نے شادی کے بعد بھی اداکاری جاری رکھی، انہوں نے گزشتہ سال نیٹ فلکس کے فالنگ فار کرسمس میں اداکاری کی اس کے علاوہ وہ رومانٹک کامیڈی’ آئرش وش‘ میں بھی اداکاری کر چکی ہیں۔
